Pakeling World Rabies Day 2023, Distanpangan Bali Edukasi Rabies majeng 1.200 sisia SD
Rabu, 27 September 2023
DENPASAR,Balitopnews.com - Dinas Pertanian dan Ketahanan Pangan Provinsi Bali maprakanti sareng Direktorat Jenderal Peternakan dan Kesehatan Hewan, Kementerian Pertanian nglaksanayang parikrama Kolaborasi Lintas Sektor Komunikasi, Informasi, & Edukasi (KIE) Rabies mapaiketan sareng pakeling World Rabies Day Warsa 2023.
Provinsi Bali melarapan Dinas Pertanian dan Ketahanan Pangan madue target pinih akeh nglaksanayang KIE minakadi menyapa 1200 anak saking 12 Sekolah Dasar ring Bali. "Mugi parikrama puniki mawesana becik majeng pangweruhan indik rabies ring anak-anak SD ring provinsi Bali," Baos Kepala Bidang Peternakan dan Kesehatan Hewan Dinas Pertanian dan Ketahanan Pangan Provinsi Bali, Nurul Hadi Ristiyantri ring rahina Buda (27 September 2023)
Nurul taler nlatarang indik tetujon utama parikrama puniki minakadi midabdabin saking alit kawentenan kasus gigitan anjing wiadin kematian sangkaning rabies ring provinsi Bali.
“Suksma katur majeng samian Sekolah Dasar ring provinsi Bali sane sampun nyarengin parikrama puniki. Miwah samian angga sane sampun ngremba parikramane puniki,” baos Nurul sinambi maosang yening fasilitator ring suang-suang sekolah minakadi guru miwah co-fasilitator saking makudang lembaga lintas sektor sane kalatih bekerjasama sareng Australia Indonesia Health Security Partnership (AIHSP).
WRD warsa 2023 sane kapakelingin satunggil tanggal 28 September, kalaksanayang makudang parikrama miwah acara puncak WRD 2023 ngunggahang unteng “All for 1, One Health for All”. Direktorat Kesehatan Masyarakat Veteriner, Ditjen Peternakan miwah Kesehatan Hewan, Kementerian Pertanian, maprakanti sareng Australia Indonesia Health Security Partnership (AIHSP) nglaksanayang edukasi mapaiketan sareng rabies majeng sawetara 5.000 diri sisia sekolah dasar ring 5 provinsi (Bali, Sulawesi Selatan, NTT, Jawa Tengah miwah DI Yogyakarta).
Majeng Provinsi Bali, parikrama puniki taler nyarengang Dinkes Provinsi miwah Kota Denpasar, Disdikpora Kota Denpasar wiadin lintas sektoral tiosan, minakadi Perhimpunan Dokter Hewan Indonesia (PDHI) Cabang Bali, IAKMI, OHCC, BBVET, Balai Karantina Kelas I Denpasar, PKK miwah Pramuka. (Rls/Btnc)
Komentar