BaliTopNews - Journalists never die

Alamat Redaksi : Jalan Beji nomor 1, Banjar Bongan Gede, Desa Bongan, Kecamatan Tabanan, Kabupaten Tabanan, Bali

Call:088977952703

[email protected]

Mungkah PKB XLVI Tahun 2024, Menteri ATR/BPN Nyiksemayang Utsahan Pemprov Bali Ngwangun Manusia Unggul Antuk Patitis Tradisi miwah Budaya Bali Sane Adiluhung

Sabtu, 15 Juni 2024

BaliTopNews - Journalists never die

DENPASAR - Kacihnayang antuk nyuarayang gendongan, Menteri Agraria dan Tata Ruang/Kepala Badan Pertanahan Nasional (ATR/BPN), Agus Harimurti Yudhoyono, kadampingin Menteri Pemberdayaan Perempuan dan Perlindungan Anak (PPPA), Bintang Puspayoga, Wakil Menteri Pariwisata dan Ekonomi Kreatif (Wamenparekraf), Angela Tanoesoedibjo, Pj. Gubernur Bali, S.M. Mahendra Jaya miwah Ketua DPRD Provinsi Bali Nyoman Adi Wiryatama, mungkah sapisanan ngelepas Peed Aya (Pawai) Pesta Kesenian Bali (PKB) XLVI Tahun 2024, ring Ajeng Monumen Perjuangan Rakyat Bali Niti Mandala Renon, Denpasar, Saniscara (15/6) sore.

Ngawitin sambrama wacanan dane, Menteri ATR/BPN nyuksemayang pamargin PKB pianaka event ngawarsa sane pinaka pesta krama Bali ngawit warsa 1978. PKB boya ja kalangan majeng para seniman Bali, para seniman saking makudang kabupaten/ provinsi ring Indonesia taler wenten sane saking mancanegara. Punika mawinan PKB sampun kaadegang pinaka 10 besar Kharisma Even Nusantara saking Kementerian Pariwisata dan Ekonomi Kreatif.

Menteri Agus Yudhoyono ngwewehin PKB sane mapatitis “Jana Kerthi: Paramaguna Wikrama“, Harkat Martabat Manusia Bali Unggul, raket pisan sareng Pembangunan  Sumber Daya Manusia (SDM)  unggul menuju Indonesia emas 2045. PKB pinaka genah ngukuhang ekspresi miwah kampanye indik mabuatnyane ngwangun jadma utawi manusia m unggul. Manusia unggul inggih pinika manusia sane maderbe jati diri, integritas miwah kualitas. Majalaran seni budaya iraga sampun neguhang jati diri, yadiastun Bali sampun akeh keni iusan budaya-budaya asing nanging budayan iragane padidi nenten dados lekang antuk waktu, nenten berkarat oleh zaman, kukuh kadi batu karang, nyunarin jagat antuk tetamian leluhur miwah nilai- nilai suci saking sang sujana. Bilih seni budaya Bali maderbe kekuatan spiritual sane macaya ageng pinaka bangsa sane ageng, bangsa sane unggul, bangsa sane kahormatin miwah kajanaloka ring jagate.

“Punika mawinan titiang ngaturang suksma majeng Pemprov Bali, angga pekerja seni miwah krama Bali sane sampun makarya, mengekspresikan karya seni miwah nglimbakang estetika miwah tradisi adiluhung kebudayaan Bali pinaka jalaran ngwangun manusia unggul Indonesia sane jagi rauh,” paweweh dane. 

Samalihnyane, Pj. Gubernur Bali sajeroning atur piuningnyane inggian pamargin Pesta Kesenian Bali (PKB) yang ke-46 Tahun 2024, pinaka wentuk sutindih sajeroning penguatan miwah pemajuan kebudayaan. Pinaka pesta ngawarsa sane polih pengakuan dunia, PKB pinaka genah matemu angga kreatif sajeroning berkreasi, berkolaborasi miwah saling mengisi. PKB pinaka event seni miwah budaya maderbe nilai sejarah, pinaka pahan memori kolektif nenten wantah majeng Krama Bali, taler nasional jantos dunia internasional. PKB pinaka event budaya paling ageng, paling sue miwah maderbe reputasi internasional pinaka jalaran pelindungan, pelestarian miwah pengembangan seni tradisi, klasik miwah seni kerakyatan.

Mapaiketan ring eedan PKB XLVI tahun 2024, Pj. Gubernur Mahendra Jaya maosang PKB warsa 2024 mapatitis “Jana Kerthi: Paramaguna Wikrama“, Harkat Martabat Manusia Bali Unggul, antuk kasuksman utsaha nyuksemayang urip miwah kauripan manusa Sakala-Niskala, antuk ngwentenang jadma Bali sane unggul saha bermartabat. Manusia unggul praaida kawangun antuk nilai-nilai luhur sane munggah ring makudang objek kebudayaan Bali. Mawinan karya seni sane kasolah tiosan katandurin antuk kalengutan, taler madaging tutur indik utsaha ngwangun sumber daya manusia Bali unggul sane maderbe jati diri, integritas, miwah kualitas.

Mahendra Jaya taler ngawewehin PKB warsa puniki nenten wantah kadagingin antuk seniman Bali talwr wenten seniman saking Provinsi miwah Kabupaten/Kota ring Indonesia minakadinyane DKI Jakarta, Kota Depok (Jawa Barat), Kabupaten Lampung Barat, DI Yogyakarta, Provinsi Sumatera Selatan, Kota Kupang (NTT), Provinsi Jambi, Provinsi Sumatera Utara, Kota Surakarta, Kabupaten Katingan (Kalimantan Tengah). Tios punika  8 (kutus) negara sahabat taler sareng nagingin Bali World Culture Celebration warsa 2024 inggih punika: Amerika Serikat, Republik Rakyat Tiongkok (RRT), India, Jepang, Hongkong, Ukraina, miwah Malaysia.

”Titiang ngaptiang Krama Bali antuk semangat ”Ngrombo’ magotong- royong sareng sareng nyuksesang pamargin PKB XLVI Warsa 2024. Ngiring apresiasi karya seni para seniman miwah pelaku seni antuk makudang karya seni tradisi, klasik miwah seni rakyat, mangd ajeng keluhuran seni miwah budaya Bali sane iraga tresnaij puniki".

PKB 2024  kamargiang asasih ngawit tanggal 15 Juni- 13 Juli 2024, nyarengang sawetara 13.515 seniman saking 275 sekaa/sanggar/komunitas seni saking makudang aktivitas seni saking Peed Aya (Pawai), Rekasadana (Pergelaran), Utsawa (Parade), Wimbakara(Lomba), Kandarupa (Pameran), Kriyaloka (Workshop/Lokakarya), Widyatula (Sarasehan), Adi Sewaka Nugraha (Penghargaan Pengabdi Seni), Bali World Culture Celebration (Perayaan Budaya Dunia di Bali) miwah Jantra Tradisi Bali (Pekan Kebudayaan Daerah). Makasamian eedan punika, kasolahang anggen nyaga produktivitas, kreativitas miwah ngicen  apresiasi seni majeng seniman miwah pelaku seni ring Bali, sahe ngicen hiburan sehat miwah edukatif majeng masyarakat.

Pembukaan PKB ke-46 kakwitin antuk Peed Aya (pawai) sane kasanggra antuk suaran gamelan Gong Gede, Semar Pagulingan, miwah gamelan Ketug Bhumi sapisanan ngiringin maskot PKB “Siwa Nataraja”. Wenten 10 pamilet sajeroning Peed Aya PKB XLVI warsa 2024  inggih punika Komunitas Usadi Lango, Institut Seni Indonesia Denpasar, Kabupaten Jembrana, Kabupaten Gianyar, Kabupaten Bangli, Kabupaten Tabanan, Kota Denpasar, Kabupaten Buleleng, Kabupaten Karangasem, Kabupaten Badung, miwah Kabupaten Klungkung.

Kakantenang rauh rinf galahe punika pimpinan anggota DPR/RI dan DPD RI, konsulat negara sahabat, angga pejabat pimpinan tinggi Lembaga Vertikal, Ketua TP PKK Provinsi Bali Ny. drg Ida Mahendra Jaya, Ketua miwah Wakil Ketua DPRD Provinsi Bali, Sekda Bali Dewa Made Indra, Forkopimda Provinsi Bali, Walikota/ Bupati se-Bali, Ketua DPRD Kabupaten/kota se-Bali, Kepala Perangkat Daerah di Lingkungan Pemprov Bali, kepala instansi vertikal ring Provinsi Bali, Penglingisr Puri, Budayawan, seniman miwah masyarakat umum sane antusias nodia pawai. Pembukaan PKB ke-46 Warsa 2024 galah sore puniki taler kasiarang langsung antuk kanal Youtube Pemerintah Provinsi Bali. (Rls/Btnc)


Komentar

Berita Terbaru







Terpopuler