BaliTopNews - Journalists never die

Alamat Redaksi : Jalan Beji nomor 1, Banjar Bongan Gede, Desa Bongan, Kecamatan Tabanan, Kabupaten Tabanan, Bali

Call:088977952703

[email protected]

S. M. Mahendra Jaya Nyokong Pamargin Southeast Asia Open Water Swimming Championship 2024

Rabu, 19 Juni 2024

BaliTopNews - Journalists never die

DENPASAR,Balitopnews.com – Penjabat Gubernur Bali, S. M. Mahendra Jaya nyokong pamargin Southeast Asia Open Water Swimming Championship 2024 sane pacang kamargiang ring Bali 28-30 Juni 2024.  Parikarama puniki marupa pacentokan renang ring segara majeng perenang professional miwah masyarakat umum.

“Titiang ngaturang suksma Bali sampun kadadosang genah event puniki. Pemerintah Daerah nyuksemayang pisan Bali kajudi dados genah event kejuaraan internasional renang ring sagara puniki titiang pacang nyokong saka sidan,” baos Mahendra Jaya rikala nyanggra audiensi Pengurus Besar (PB) Akuatik Indonesia rahina Buda (19 Juni 2024) pagi.

Dane maosang event internasional sakadi puniki prasida nyobiahang wastan Bali ring kancah internasional taler side effectnyane becik pisan prasida nyokong ekonomi krama Bali. Nenten prasida kalempasin pamilet pastika jagi matumbasan miwah malancaran mawinan prasida nincapang perekonomian krama Baline.

Mahendra Jaya ngaptiang parikrama puniki prasida nglantur nyabran awarsa saha dadoa agenda rutin PB Akuatik Indonesia ring Bali. Dane nyanggupin pacang  ngwantu promosi saha ngunggahang Southeast Asia Open Championship 2024 ring Calendar of Event Bali 2024. 

Sakadi Maybank Marathon sane rutin nyabran warsa ring Bali, Mahendra Jaya ngaptiang event-event olahraga internasional tiosan rutin kamargiang ring Bali mangda wenten wisata olahraga ring Bali saha nyansan kaloktah malih utaminyane cabor sane tiosan. 

Waketum PB Akuatik Indonesia, Harlin E. Rahardjo maosang parikrama puniki nyarengang stakeholder pemerintah miwah swasta taler desa adat miwah krama lokal utaminyane indik keamanan. Bilih bilih jukung bandegane taler kaanggen ngawantu mangda parikrama puniki mamargi antar.

Indike puniki kasanggra becik olih Pj. Gubernur Bali, manut dane indike punika pinaka wentuk Ngrombo saling wantu. “Dadosnyane event puniki tiang baosang Ngrombo, sareng - sareng nyupport,” baos Mahendra Jaya. Manut dane rikala samian angga kasarengang nyansan becik. “Pastika pacang bangga ring parikrama puniki. Saha numbuhan rasa nruwenang parikrama puniki” baos dane.(Rls/Btnc)


Komentar

Berita Terbaru







Terpopuler