Sekda Dewa Indra Ngajak Para Pemangku Kepentingan Nangun Kesepakatan RZ KZN Sarbagita
- 20 November 2019
- 21:10 WITA
- News
Balitopnews.com, Denpasar
Sekretaris Daerah Provinsi Bali Dewa Made Indra ngajakin para pemangku kepentingan pemerintah wiadin para janane sareng sareng mekarya kesepakatan lan konsensus rikalaning ngatur tata ruang sane sida nagingin pikyunan makasami pihak.
Pengapti punika kasobyahang Dewa Indra ring sambramawecanan dane rikala mungkah Konsultasi Publik Renaca Zonasi Kawasan Strategis Nasional (RZ KSN) Kawasan Pertokoan Sarbagita (Denpasar, Badung, Gianyar, lan Tabanan) ring Aula Dinas Kelautan lan Perikanan Provinsi Bali, Rahina Buda (20 November 2019).
Selanturnyane Sekda Dewa Indra nyobyahang, risampun endagnyane Peraturan Pemerintah Nomor 32 Warsa 2019 indik Rencana Tata Ruang Laut, makane pemerintah inggih punika Kementrian Kelautan lan Perikanan ngelanturang antuk netepang rencana zonasi anngge wawidangan strategis nasional. Rikalaning penyusunan rencana zonasi punika sinah nenten sida ketetepang newek olih pemerintah kemanten, makasami pemangku kepentingan inggih punika ring pusat, derah, lan para jana sepatutnyane sareng sareng ngicenin pandapat utawi pemikirannyane mangdane sida ngewangun asiki kesepakatan sane ngasilang asiki rencana zonasi sane becik mangdane sida nampung makasami kepentingan.
Sareng rawuh ring Konsultasi Publik RZ KSN Kawasan Perkotaan punika, Direktur Perencanaan Ruang Laut Kementrian Kelautan lan Perikanan Republik Indonesia, Manggala Dinas Kelautan lan Perikanan Pemprov Bali, walo sakeng LSM, taler OPD sane mepaiketan ring wewidangan Pemprov Bali. (Balitopnews.com/vd/rls).
Komentar