Ngamucukin Pakeling Puputan Margarana ka-76 Warsa 2022, Wagub Cok Ace Nyarengang Generasi Milenial Nulad Pahlawan Pejuang Kemerdekaan
- 20 November 2022
- 21:11 WITA
- News
TABANAN, Balitopnews.com - Sejarah bangsa Indonesia ngalikita yening Puputan Margarana pinaka peristiwa heroik saking pasukan Ciung Wanara kasarengin krama sane kamanggalain olih Letnan Kolonel I Gusti Ngurah Rai sajeroning nyaga kamahardikan wiadin kedaulatan bangsa saking penjajah, mapikayun ngawiwasa malih tanah tumpah darah yadiastun ngetohang urip sane ketah kabaosang "Puputan Margarana".
Puputan madue semerti pengorbanan ri kala mayuda melanin kebenaran, keadilan, nyaga harkat wiadin martabat, rauhing kedaulatan bangsa, pinaka utsaha madasar kalascaryan, saha utsaha punika pastika mapikolih, nenten wenten sane mamocol. Parindikan puniki kabaosang Wakil Gubernur Bali Prof. Tjok. Oka Sukawati ri kala ngamucukin Upacara pakeling Puputan Margarana ka-76 Warsa 2022, ring Taman Pujaan Bangsa Margarana, Kecamatan Marga, Kabupaten Tabanan, Redite (20 November 2022)
Dane ngawewehin, pinaka penghargaan majeng parindikan punika, sareng sami makelingin Puputan Margarana satunggil warsa. Upacara pakeling puniki pinaka rasa suksmaning idep majeng Ida Hyang Widhi Wasa sampun kaicen kamahardikan, taler pinaka refleksi majeng jati diri pinaka bangsa bermartabat sane embas saking utsaha para pejuang.
Utsaha kalih pengorbanan madasar kalascaryan saking para pahlawan ring peristiwa heroik Puputan Margarana tanggal 20 Nopember 1946 majanten sandang tulad indik semangat perjuangan para pahlawan sane kalaksanayang samian angga ring jaman sekadi mangkin, sajeroning nagingin kamahardikan nyujur Negara Kesatuan Republik Indonesia sane sukerta, adil miwah makmur. "Anut sareng parindikan punika, majanten dahat becik unteng sane kaunggahang ring galahe mangkin "MENGIMPLEMENTASIKAN NILAI-NILAI PUPUTAN MARGARANA MENUJU BALI UNGGUL, minakadi berjuang nglawan rasa males wiadin kebodohan," Wagub Cok Ace nuekang.
"Akeh parindikan sane prasida katulad saking peristiwa sejarah daweg riin, silih tunggilnyane karumaketan ring tengahing pabinayan sane wenten. Iraga dados matiosan ring swadarma wiadin amongan suang-suang, nanging mangda taler antuk sinarengan nyujur kasukertan sosial.
Sakadi ring konteks budaya Bali, iraga madue nilai-nilai kearifan lokal sane utama, minakadi konsep Tri Hita Karana miwah konsep menyama braya. Nilai kearifan lokal punika majanten adung sareng nilai-nilai Pancasila pinaka dasar negara miwah falsafah Negara Kesatuan Republik Indonesia. Konsep Tri Hita Karana nuekang indik keharmonisan miwah keselarasan pantaraning manusa sareng Ida Sang Hyang Widhi, pantaraning manusa miwah manusa sareng palemahan. Ring konsep menyama braya ngajahin indik semangat kebersamaan miwah kekeluargaan sajeroning ngarepin pikobet sarahina," Wagub Cok Ace ngawewehin.
Kadasarin antuk konsep nilai perjuangan daweg riin sane kaadungang sareng konsep- konsep pembangunan ring galahe kadi mangkin, mawinan melarapan antuk pakeling Puputan Margarana ka-76 warsa 2022 puniki, Wagub Cok Ace nyarengang samian krama Bali mangda setata numbuhang rasa pasemetonan sane kadasarin antuk semangat miwah nilai- nilai luhur kepahlawanan nyujur krama Bali antuk Visi, Misi miwah Program Pembangunan Bali "Nangun Sat Kerthi Loka Bali" Melarapan Pola Pembangunan Semesta Berencana sane madue semerti "Nyaga Kasucian wiadin Keharmonisan Alam Bali miwah sadagingnyane, sajeroning nyujur kauripan Krama Bali sane sukerta miwah bagia, Sakala-Niskala nyujur kauripan krama miwah Gumi Bali manut Prinsip Trisakti Bung Karno, Berdaulat secara politik, berdikari ring ekonomi miwah berkepribadian dalam kebudayaan melarapan pembangunan secara terpola, menyeluruh, terencana, terarah miwah terintegrasi sajeroning bingkai Negara Kesatuan Republik Indonesia madasar Nilai-Nilai Pancasila 1 Juni 1945.
Wagub Cok Ace nuekang yening galah puniki patut anggen dasar sajeroning nyujur pewangunan daerah Bali ring bingkai Negara Kesatuan Republik Indonesia.
Pakeling Puputan Margarana ka-76 warsa 2022 sane taler karauhin olih Ketua DPRD Provinsi Bali, Wakil Bupati Tabanan miwah angga sane mapaiketan kadagingin antuk peletakan karangan bunga miwah tabur bunga ring pusara pejuang kemerdekaan, sapisanan kategepin antuk palinggatanganan Surat Sakti miwah Panji-Panji Perjuangan I Gusti Ngurah Rai. (Rls/Btnc)
Komentar