Gubernur Bali Ngicen Relaksasi Pajak Warsa 2022, Pembebasan Pokok wiadin Sanksi Administratif BBNKB II
- 05 Januari 2022
- 21:01 WITA
- News
DENPASAR, Balitopnews.com - Kawentenan ekonomi Bali sane kantos ring bulan Desember 2021,durung nyihnayang panincap sane ageng, antuk panglimbak ekonomi ring Triwulan III kantun keni kontraksi sane agengnyane -2,91% miwah ring Triwulan IV katarka jagi tumbuh 1,1%-2,12%.
Krama sane mapikayun nglaksanayang Balik Nama Kendaraan Bermotor, nanging kantun kapialangin ring prabea sangkaning pawesana pandemi covid-19.
Pinaka pangupaya mastikayang saha mecikang kawentenan database kendaraan bermotor antuk kawentenan galahe mangkin minakadi data kendaraan bermotor sane status ipun penguasaan nanging durung balik nama wenten 211.192 unit (minakadi 82% kendaraan roda dua miwah 18% kendaraan roda
empat).
Pamikolih saking pendataaan operasi gabungan wiadin door to door warsa 2021, kajantenang kantun wenten 3.779 unit kendaraan plat dura Bali sane wenten ring Bali, minakadi 40% kendaraan roda dua miwah 60% kendaraan roda empat.
Pinaka pamargi saking kawentenane punika, Gubernur Bali Wayan Koster, Buda (5 Januari 2022) ngamedalang kawijakan sane melanin pabuat krama, sajeroning ngirangin tategenan krama melarapan antuk relaksasi pajak marupa pembebasan Bea Balik Nama Kendaraan Bermotor (BBNKB) II, melarapan antuk ngamedalang Peraturan Gubernur Bali Nomor 63 warsa 2021 indik Pembebasan Pokok wiadin Penghapusan Sanksi Administratif Bea Balik Nama Kendaraan Bermotor Atas Penyerahan Kepemilikan Kendaraan Bermotor Kedua dan Selanjutnya, sane ngawit kamargiang saking tanggal 5 Januari kantos 3 Juni 2022.
"Majeng krama kaelingang mangda ngawigunayang kawijakan punika sabecik-becikne," baos Koster.(gix)
Komentar