Perbekel miwah Bendesa Adat Sajebag Bali Ngamolihang Insentif saking Gubernur Bali

  • 09 Januari 2022
  • 21:01 WITA
  • News
Gubernur Bali Wayan Koster

DENPASAR, Balitopnews.com - Gubernur Bali Wayan Koster ngicen insentif majeng Perbekel miwah Bandesa Adat sajebag Bali satunggil sasih, sane agengnyane nganutin ring kawentenan Keuangan Daerah.

Koster ring rahina Redite (9 Januari 2022) maosang insentif majeng perbekel agengnyane Rp.1.500.000 ngasasih kaicen majeng 636 Perbekel sajebag Bali, ngawit bulan Januari warsa 2022 miwah insentif majeng Bandesa Adat katincapang malih Rp.1.000.000 sane sadurungnyane Rp.1.500.000 ngasasih nincap dados Rp.2.500.000 ngasasih kaicen majeng 1.493 Bandesa Adat sajebag Bali. 

Pawilangan anggaran insentif majeng Perbekel Rp.11,4 Milyar sampun kaalokasiang ring APBD Semesta Berencana Provinsi Bali Tahun Anggaran 2022. Majeng pawilangan anggaran insentif Bandesa Adat sajebag Bali sampun kaalokasiang ring Bantuan Operasional Desa Adat, pinaka pahan saking total anggaran Desa Adat sane agengnyane Rp.300.000.000 majeng soang-soang Desa Adat sajebag Bali.

Koster maosang yening dasar dasar kawijakan ngicen insentif majeng perbekel miwah bendesa adat minakadi sistem Pemerintahan Daerah ring Bali, desa wiadin desa adat pinaka struktur pemerintahan pinih sor, sane dados lembaga pelaksana kawijakan Pemerintah Provinsi Bali ring undagan desa wiadin desa adat. Perbekel miwah bendesa adat pinaka pamucuk pemerintahan sane ngenterang pamargin kawijakan, program, wiadin parikrama Pemerintah Provinsi Bali sane kamargiang ring undagan desa wiadin desa adat.

"Mapikolihnyane pewangunan sane kamargiang Pemerintah Provinsi, majanten taler sangkaning kasokong olih kasumekenan, pangremba wiadin tanggung jawab saking perbekel miwah bendesa adat sajeroning ngenterang pamargin pewangunan sapisanan pinaka motor penggerak majeng krama sajeroning ngwangun wewidangannyane soang-soang.," baosnyane.

Sane mangkin,  Pemerintah Provinsi Bali kantun mautsaha sapunapi nglaksanayang makudang-kudang pamargi mangda sayan gelis ngamargiang sakancan kawijakan pinaka panyalantarayan Visi “Nangun Sat Kerthi Loka Bali” melalui Pola Pembangunan Semesta Berencana menuju Bali Era Baru, pamekas ring desa wiadin desa adat, sane ngingkupin Program Prioritas kalih Program Pendukung. Program Prioritas minakadi: Program Pengelolaan Sampah Berbasis Sumber ring desa/kelurahan miwah desa adat, nyalantarayang daging Peraturan Gubernur Bali Nomor 47 Warsa 2019.
Program Pembatasan Timbulan Sampah Plastik Sekali Pakai, nyalantarayang saking daging Peraturan Gubernur Bali Nomor 97 Warsa 2018.Program Pelindungan Danau, Mata Air, Sungai, wiadin Laut, nyalantarayang daging Peraturan Gubernur Bali Nomor 24 Warsa 2020.

Program Pemasaran, Pemanfaatan Produk Pertanian, Perikanan miwah Industri Lokal Bali, nyalantarayang daging Peraturan Gubernur Bali Nomor 99 Warsa 2018.
Program Pertanian Organik, nyalantarayang  daging Peraturan Daerah Provinsi Bali Nomor 8 Warsa 2019.

Program Pendukung minakadi: Program pelestarian wiadin penggalian seni tradisi sane wenten ring desa adat, nyalantarayang daging Peraturan Daerah Provinsi Bali Nomor 4 Warsa 2020.

Program penguatan wiadin pelindungan Tari Sakral Bali, sane mapaiketan sareng sesolahan pingit ring desa adat wiadin wewidangan Bali, wantah nyalantarayang daging Surat Keputusan Bersama PHDI Provinsi Bali, Majelis Desa Adat Provinsi Bali, Majelis Pertimbangan dan Pembinaan Kebudayaan Provinsi Bali Nomor: 117/PHDI-BALI/IX/2019, Nomor: 005/MDA-Prov.Bali/IX/2019, Nomor: 08/List/2019, Nomor: 431/8291/ DISBUD/2019, Nomor: 2332/ITS.5.2/KS/2019.
Program Hari Penggunaan Busana Adat Bali, nyalantarayang daging Peraturan Gubernur Bali Nomor 79 Warsa 2018.

Program Pelindungan wiadin Penggunaan Bahasa, Aksara, rauhing Sastra Bali, miwah Penyelenggaraan Bulan Bahasa Bali, nyalantarayang daging Peraturan Gubernur Bali Nomor 80 Warsa 2018.
Program Pelindungan Pura, Pratima, wiadin Simbol Keagamaan, nyalantarayang daging Peraturan Gubernur Bali Nomor 25 Warsa 2020. Program Sistem Pengamanan Lingkungan Terpadu Berbasis Desa Adat, wantah nyalantarayang daging Peraturan Gubernur Bali Nomor 26 Warsa 2020.
Program Pelestarian Tanaman Lokal Bali pinaka Taman Gumi Banten, Puspa Dewata, Usada, wiadin Penghijauan, nyalantarayang daging Peraturan Gubernur Bali Nomor 29 Warsa 2020.

Program Penggunaan Kain Tenun Endek/Kain Tenun Tradisional Bali, nyalantarayang  Surat Edaran 
Gubernur Bali Nomor 4 Warsa 2021.
Mangda sayan gelis ngamargiang Program Prioritas wiadin Program Pendukung punika, Pemerintah Provinsi Bali sampun ngambil makudang-kudang pangupaya melarapan antuk makarya “Tim Desa Kerti Bali Sejahtera” sane anggota ipun saking Pegawai Pemerintah Provinsi Bali (ASN miwah 
non ASN) mawit saking desa wiadin desa adat. Tim Desa Kerti Bali Sejahtera katedunang langsung ka desa wiadin desa adat soang-soang. Tim puniki pinaka mediator wiadin fasilitator mangda program pewangunan Pemerintah Provinsi Bali ring desa/kelurahan wiadin desa adat prasida digelis kalaksanayang. 

Melarapan antuk insentif puniki, samian perbekel wiadin bendesa adat ring Bali sayan sumeken sajeroning ngaremba wiadin nyokong kawijakan, program, wiadin progra prioritas Pemerintah Provinsi Bali sajeroning nyujur Bali Era Baru.(gix)


TAGS :

Komentar