Deseminasi Hasil Sensus Berencana Sumber Daya Bali Berbasis Desa Adat, ring Gedung Wiswa Sabha Utama Kantor Gubernur Bali

  • 05 Desember 2022
  • 12:12 WITA
  • News
Deseminasi Hasil Sensus Berencana Sumber Daya Bali Berbasis Desa Adat, ring Gedung Wiswa Sabha Utama Kantor Gubernur Bali

DENPASAR,Balitopnews.com - Deseminasi Hasil Sensus Berencana Sumber Daya Bali Berbasis Desa Adat kemargian ring Gedung Wiswa Sabha Utama Kantor Gubernur Bali, Soma (5 Desember 2022) 

Sensus Berencana Sumber Daya Bali Berbasis Desa Adat pinaka silih tunggil program prioritas sajeroning ngardi visi "Nangun Sat Kerthi Loka Bali" melarapan Pola Pembangunan Berencana Nyujur Bali Era Baru sane madue semerti nyaga kasucian wiadin keharmonisan alam Bali miwah sadagingnyane, ngulati kauripan krama Bali sane sukerta miwah bagia, sekala-niskala nyujur kauripan krama wiadin gumi Bali anut ring prinsip Trisakti Bung Karno : Berdaulat ring Politik, Berdikari ring Ekonomi, miwah Berkepribadian  alam Kebudayaan melarapan pembangunan secara terpola, menyeluruh, terencana, terarah, miwah  terintegrasi ring bingkai Negara Kesatuan Republik Indonesia sane kadasarin antuk nilai-nilai Pancasila 1 Juni 1945.

 

Sensus Berencana Sumber Daya Bali Berbasis Desa Adat madue tetujon mangda kauningin kawentenan sistem miwah data base sumber daya desa adat, madue data terpadu desa adat sane menyeluruh minakadi parahyangan, pawongan miwah palemahan mawinan sayan dangan ri kala pengambilan kebijakan sajeroning nglimbakang potensi desa adat wiadin pidabdab strategis majeng pewangunan desa adat antuk genah sasaran ring 1.493 desa adat sajebag Kabupaten/ Kota  ring Bali.

 

Kepala Bidang Pemerintahan dan Pengkajian Peraturan Badan Riset dan Inovasi Daerah Provinsi Bali, Ketut Wica maosang Bali Era Baru pinaka masa sane kacihnayang antuk tatanan kehidupan baru, minakadi Bali sane kawista, Bali kang tata-titi tenteram kerta raharja, gemah ripah lohjinawi, inggih punika tatanan kehidupan holistik sane ngingkupin tiga (3) dimensi utama, inggih punika prasida nyaga keseimbangan alam, krama miwah kebudayaan Bali, genuine Bali. Prasida nagingin pabuat, pangapti wiadin aspirasi krama Bali ring sakancan widang kauripan, miwah sane mabuat madue kesiapan sajeroning nambakin kawentenan pikobet wiadin pakibeh anyar ring undagan lokal, nasional miwah global sane jagi mawesana becik miwah kaon majeng kauripane sane jagi rauh (management resiko).

 

Ketut Wica ngawewehin, visi nyujur Bali Era Baru kalaksanayang melarapan nitenin antuk fundamental wiadin komprehensif pewangunan Bali sane ngingkupin tigang parindikan utama, minakadi palemahan, krama dan kebudayaan Bali sane kadasarin nilai-nilai Tri Hita Karana sane mawit saking nilai-nilai kearifan lokal Sad Kerthi minakadi Atma Kerthi, Segara Kerthi, Danu Kerthi, Wana Kerthi, Jana Kerthi miwah Jagat Kerthi.

 

Ring deseminasi Hasil Sensus Berencana Sumber Daya Bali Berbasis Desa Adat puniki katlatarang mapaiketan sareng sapunapi desa adat madue samian data mawinan ri kala makarya program majanten jagi dangan nglaksanayang pemetaan, napi   sane patut kalaksanayang sapisanan nguningin samian potensi sane wenten ring desa adat. Antuk kauningin potensi sane wenten, para manggala jagi dangan makarya program pembangunan  ring suang-suang desa adat. Potensi sane wenten majanten nenten jagi pateh pantaraning wewidangan. 

 

 "Mapaiketan ring potensi desa wisata, akeh maping sane sampun kapanggihin saha sampun kamedalang potensi ekonomi sane prasida kalimbakang. Melarapan antuk kawentenan data sane tinas, majanten jagi sayan dangan sajeroning nentuang desa adat sane riinin nagingin prasarat kadadosang desa wisata.  Saking 1493 desa samian madue selah kalimbakang dados desa wisata manut saking kaluihan seni budaya wiadin kearifan lokal", baos Kabid Ketut Wica.

 

Koordinator Tim Analisa Hasil Sensus Putu Manik Prihatini pinaka silih tunggil narawakya maosang, saking Hsil sensus berencana sumber daya Bali berbasis desa adat warsa 2022 minakadi asil analisis mapaiketan sareng akeh desa adat ring Bali 1.493 desa adat sane wenten ring siya Kabupaten/ Kota se-Bali. Sensus kapertama kalaksanayang daweg warsa 2021, sane kadulurin antuk sosialisasi pamargin sensus ring 57 Kecamatan sajebag Bali. 

 

Tiosan ring Kepala Bidang Pemerintahan dan Pengkajian Peraturan Badan Riset dan Inovasi Daerah Provinsi Bali Ketut Wica miwah Koordinator Tim Analisa Hasil Sensus Putu Manik Prihatini, parikrama taler karauhin olih Prof. Ketut Darmaputra sane pinaka silih tunggil Tim saking Kelompok Ahli Pembangunan Informasi dan Teknologi Provinsi Bali. Parikrama taler karauhin olih Kepala Dinas Pemajuan Masyarakat Adat (PMA) Provinsi Bali, Tim IT Dinas Kominfos Provinsi Bali, Dinas Kebudayaan Provinsi Bali, Dinas Pemberdayaan Masyarakat Desa, Kependudukan dan Catatan Sipil Provinsi Bali, Perwakilan Bendesa Agung Provinsi Bali, Bendesa Madya  miwah Bendesa Alit Provinsi Bali wiadin Kabupaten/ Kota se-Bali miwah para Koordinator Tenaga Penyuluh Bahasa Bali tingkat Provinsi Bali.(Rls/Btnc) 


TAGS :

Komentar