Ketua BKOW Provinsi Bali Nyarengang Kabupaten Buleleng Makarya GOW
- 03 Februari 2023
- 14:02 WITA
- News
BULELENG, Balitopnews.com - Sajeroning nyokong kinerja BKOW Provinsi Bali melarapan antuk ngwangun kanti sareng Gabungan Organisasi Wanita (GOW) Kabupaten, Ketua Badan Kerjasama Organisasi Wanita (BKOW) Provinsi Bali Ny. Tjok Putri Hariyani Sukawati nyarengang Kabupaten Buleleng mangda aktif saha makarya GOW ring kabupaten Buleleng. Parindikan puniki kabaosang ri kala nglaksanayang kunjungan kerja ring Kabupaten Buleleng, Sukra (3 Februari 2023)
Pangrauh Ketua BKOW Provinsi Bali puniki sajeroning nguningayang rencana kerjasama wiadin pergerakan layanan majeng kramane melarapan antuk Badan Kerjasama Organisasi Wanita (BKOW) miwah GOW Kabupaten, parindikan puniki pinaka cihna sinergitas ngwangun krama saking undagan pinih alit sajeroning ngardi kramane sane sukerta.
Sekretaris PKK Kabupaten Buleleng IA Wardhani Sutjidra maosang kasiagayannyane sajeroning makarya GOW ring Kabupaten sajeroning nyokong saha ngadungang sareng program pemerintah provinsi miwah kabupaten.
Koordinasi puniki kalaksanayang ring makudang kabupaten sane majanten durung taler kakaryanin GOW, pinaka paguyuban istri-istri pengusaha ring kabupaten suang-suang. "Organisasi sane kakaryanin saha irika wantah para istri pengusaha se-Bali sane wenten ring suang-suang kabupaten, madue amongan antuk sinarengan ngwangun wewidangannyane suang-suang, pamekas ngicen uratian majeng sane muatang wantuan wiadin majeng krama tuara," Baos Ketua Badan Kerjasama Organisasi Wanita (BKOW) Provinsi Bali Ny. Tjok Putri Hariyani Sukawati. (Rls/Btnc) ⁿ
Komentar