Honorary President World Water Council saking Brazil Angob Mireng Pidarta Gubernur
- 17 Februari 2023
- 08:02 WITA
- News
Sulton Rahimzoda, the Special Envoy of the President of Tajikistan for Water Ngulemin Gubernur Bali, Wayan Koster Mapidarta ring New York
JAKARTA,Balitopnews.com - Pidarta Gubernur Bali, Wayan Koster indik Pemuliaan Sumber Air Melarapan Upakara Tumpek Uye ring Kick-Off Meeting 10th World Water Forum kaajiang becik olih 1.500 pamilet saking 56 panegara sane rauh ring rahina Buda Paing, Krulut tanggal 15 Februari 2023 ring Jakarta Convention Center.
Ring rahina ka-2 pamaegin Kick-Off Meeting 10th World Water Forum, (Wraspati Pon, Krulut) 16 Februari 2023 ring Jakarta Convention Center, Honorary President, World Water Council saking Brazil, Benedito Braga
Ngrauhin langsung Gubernur Bali, Wayan Koster saha nguningayang angob ring pidarta saking Bapak Wayan Koster.
Honorary President, World Water Council, Benedito Braga maosang Gubernur Bali ri kala mapidarta nguningayang indik Nilai -
Nilai Kearifan Lokal Sad Kerthi sane silih tunggilnyane ngunggahang indik nilai Danu Kerthi sane madue semerti nyuciang saha nginggilang kawentenan wit toyane. Krama Bali sajeroning ngamargiang penyucian wiadin pemuliaan sumber air taler kabaosang olih Gubernur Bali, nganggen Nilai – Nilai Kearifan Lokal Bali sajeroning nginggilang kawentenan toya, silih tunggilnyane melarapan UpakaraTumpek Uye. Krama Bali taler madue budaya sane nitenin kawentenan toya ring sistem pertanian sane ketah kabaosang Subak. Subak pinaka sistem irigasi sane kakelola melarapan prinsip-prinsip keadilan, keterbukaan, harmoni, miwah kebersamaan melarapan organisasi masyarakat yang sane ngawinang krama petani ring Bali adung sareng palemahane sajeroning ngasilang asil panen organik sane becik."Sangkaning punika, Titiang banget angob mireng pidarta
Bapak Wayan Koster," baos Honorary President, World Water Council asal Brazil, Benedito Braga "Titiang durung naenin ka Bali, nanging Titiang mastikayang jagi ka Bali sareng kularaga ri kala parikramaWorld Water Forum ka-10 sane jagi kalaksanayang ring tanggal 18-24 Mei 2024 ring Bali," pawewehnyane.
Sulton Rahimzoda, the Special Envoy of the President of Tajikistan for Water ring galahe punika taler ngrauhin Gubernur Bali, Wayan Koster saha ngolemin mangda mapidarta ring New
York, Amerika Serikat ring tanggal 21-22 Maret 2023 sajeroning acara World
Water Forum Amerika Serikat. “World Water Forum Amerika Serikat pinaka paruman ageng sane mligbagang indik kawentenan toyane, mawinan ring galahe puniki Titiang matur ring Bapak Gubernur Bali, Wayan Koster mangda ledang mapidarta ring New York nlatarang indik Budaya, Tradisi, wiadin Nilai –Nilai Kearifan Lokal Bali sajeroning nginggilang kawentenan toyane, saha mapidarta ngeninin indik
komitmen politik sane sampun kalaksanayang melarapan antuk kawijakan Peraturan Gubernur Bali Nomor 24 Warsa 2020 indik Pelindungan
Danu, Klebutan, Tukad, wiadin Segarae, sane mawit kamargiang ring tanggal 29 Mei 2020 miwah Surat Edaran Gubernur Bali Nomor 04 Warsa 2022 indik Tata-Titi Kauripan Krama Bali sane Kadasarin antuk Nilai-nilai Kearifan Lokal Sad Kerthi sajeroninh Bali Era Baru,” baos Sulton Rahimzoda, the Special Envoy of the President of Tajikistan for Water sinambi ngrastitiang mangda Bali prasida antar nglaksanayang World Water Forum kq-10 sane jagi kalaksanayang ring tanggal 18-24 Mei 2024 sane jagi rauh.
Ring parikrama internasional, Gubernur Bali, Wayan Koster sadurungnyane taler ngamolihang kehormatan mapidarta sajeroning acara
Groundwater SUMMIT 2022 ring Markas Besar UNESCO, Paris, Francis daweg tanggal 6-8 Desember 2022. Ring pidartanyane, Gubernur Bali nguningayang indik Visi Pembangunan Bali, minakadi ‘Nangun Sat Kerthi Loka Bali’ sane mawit saking Nilai – Nilai Kearifan Lokal Sad Kerthi, pamekas Danu Kerthi sane madue semerti Penyucian miwah Pemulian Air pinaka wit kauripan manusane Niskala miwah Sakala sane kapakelingin olih krama Bali ring rahina Rahina Tumpek Uye saha kamargiang kawijakan Peraturan Gubernur Bali Nomor 24 Warsa 2020 indik Pelindungan Danu, Klebutan, Tukad, wiadin Segara.
Sangkaning parindikane punika, Gubernur Bali, Wayan Koster sane nganggen busana Adat Bali ring ajeng Honorary President, World
Water Council, Benedito Braga miwah Sulton Rahimzoda, the Special Envoy of the President of Tajikistan for Water nuekang yening i raga maurip nenten prasida lempas ring kawentenan toyane, toya pinaka budaya wiadin peradaban, saha toya pinaka komitmen politik sane kalaksanayang sabecik-becikne melarapan Peraturan Gubernur Bali Nomor 24 Warsa 2020 indik Pelindungan Danau, Klebutan, Tukad, wiadin Segara, rauhing Surat Edaran Gubernur Bali Nomor 04 Warsa 2022 indik Tata-Titi Kehidupan Masyarakat Bali
Sane Kadasarin Nilai-nilai Kearifan Lokal Sad Kerthi sajeronknh Bali Era Baru sajeroning nglaksanayang penyucian wiadin pemuliaan sumber air, sajeroning ngardi kasukertan wiadin kabagian jadmane. (Rls/Btnc)
Komentar