Provinsi Bali Ngamolihang Penghargaan Kematangan UKPBJ Level Proaktif
- 24 Mei 2023
- 21:05 WITA
- News
JAKARTA,Balitopnews.com - Utsaha ageng saking angga ring Pemprov Bali sajeroning nincapang tata kelola pemerintahan sane becik, utaminipun indeks tata kelola Pengadaan Barang miwah Jasa ngawetuang pamikolih. Provinsi Bali pinaka silih tunggil saking 12 Unit Kerja Pengadaan Barang/Jasa (UKPBJ) ring lingkungan Kementerian/Lembaga/Pemerintah Daerah sane ngamolihang Penghargaan UKPBJ Level 3 Proaktif. Penghargaan kasukserahang langsung olih Kepala Lembaga Kebijakan Pengadaan Barang/Jasa Pemerintah RI Hendrar Prihadi magenah ring Hotel The Westin Jakarta, Jakarta Selatan, ring rahina Buda (24 Mei 2023). Ring galahe punika, Provinsi Bali kaaangganin olih Staf Ahli Gubernur Bali Wayan Serinah.
Wenten 12 Unit Kerja sane ngamolihang penghargaan minakadi: Kementerian Pendidikan, Kebudayaan, Riset dan Teknologi; Kementerian Hukum dan Hak Asasi Manusia; Kementerian Keuangan; Badan Siber dan Sandi Negara; Provinsi Bali; Provinsi Kepulauan Riau; Provinsi Jawa Barat; Kabupaten Badung; Kabupaten Kutai Kartanegara; Kabupaten Buleleng; Kota Tangerang miwah Kota Batam.
Manut kepala LKPP Hendrar Prihadi, melarapan antuk kapolihangnyane kematangan UKPBJ minimum level-3 (proaktif), ngawinang UKPBJ pinaka agen pengadaan madue amongan utama sajeroning nyujur tetujon pemerintah. Tiosan ring pamikolih punika, taler pinaka bukti panincap kapabilitas miwah tata kelola berkesinambungan. Sangkaning punika, Dane mapiteket ring Pemerintah Provinsi sane sampun ngamolihang level proaktif mangda setata nuntun UKPBJ Kabupaten/Kota mangda prasida ngamolihang level sane pateh.
Kepala LKPP nlatarang jagi setata nglaksanayang evaluasi majeng regulasi wiadin kawijakan sane wenten saha setata nyokong UKPBJ sane durung ngamolihang kematangan level 3 proaktif nglaksanayang akselerasi, saha ngelingang majeng UKPBJ sane sampun ngamolihang kematangan level 3 proaktif mecikang angga saha nincapang level kematangan UKPBJ manados level 5 (unggul).
“Puniki nenten pinaka panguntat, nanging napi sane sampun kapolihang UKPBJ prasida nyihnayang saha ngicen nilai tambah sajeroning pengadaan barang/jasa, saha prasida taler manados fungsi pencapaian target organisasi, mawinan ngasilang pengadaan barang/jasa sane efisien, efektif, miwah transparan, saha dados dasar nincapang ekonomi Indonesia,” baosnyane.(Rls/Btnc)
Komentar