BaliTopNews - Journalists never die

Alamat Redaksi : Jalan Beji nomor 1, Banjar Bongan Gede, Desa Bongan, Kecamatan Tabanan, Kabupaten Tabanan, Bali

Call:088977952703

[email protected]

Provinsi Bali Mawali Molihang Predikat Angka Prevalensi Stunting Terendah Se-Indonesia

Kamis, 28 Maret 2024

BaliTopNews - Journalists never die

BADUNG,Balitopnews.com - Provinsi Bali mawali pinaka daerah antuk angka prevalensi stunting terendah ring Indonesia. Indike pinika kabaosang olih Inspektur Utama BKKBN RI, Ari Dwikora Tono sajeroning rapat Kerja Daerah Program Pembangunan Keluarga, Kependudukan dan Keluarga Berencana, Percepatan Penurunan Stunting Provinsi Bali Warsa 2024 ring Harris Hotel Sunset Road, Kuta, Badung rahina Wrespati (28 Maret 2024) semeng.

 

“Provinsi Bali kantun pinaka daerah antuk angka prevalensi stunting terendah ring Indonesia. Angka prevalensi stunting warsa 2022 agengnyane 8% samalihnyane ring warsa 2023 nedunang dados 7,2%,” baos Ari Dwikora. Angka puniki alitan saihang ring genah tiosan antuk angka prevalensi stunting nasional 21,5% ring warsa 2023 lintang.

 

Samalihnyane ring warsa 2024 Pemerintah ngulengang angka prevalensi stunting nasional prasida tedun dados14% punika taler ring Provinsi Bali sane sampun kaangkenin becik kaaptiang prasida nedunang malih kantos 6,15% warsa 2024 puniki.

 

Ring genah tiosan Sekretaris Daerah Provinsi Bali, Dewa Made Indra maosang Pemerintah Provinsi Bali optimis prasida nedunang angka prevalensi stunting ring Bali mangda nyansan becik ring warsa 2024. “Iraga ring Bali yadiastun sampun terendah nasional nanging angka 7,2% puniki patut katedunang malih. Iraga patut yakin, antuk kayun gotong royong prasida nedunang malih angkane punika. Tiang ngaptiang prakanti sareng sami prasida nedunag angka punika bilih mangda prasida dados nol,” baos Dewa Made Indra.

 

Dane maosang pikolih penurunan prevalensi stunting ring Provinsi Bali nenten lempas saking pangrombo makasami komponen, yata masyarakat miwah pemerintah daerah sane madue komitmen digelis nedunang prevalensi stunting ring Bali.

 

Yening mapaiketan ring kemiskinan ekstrem, Dewa Made Indra nampenin kemiskinan punika boya ja jalaran utama prevalensi stunting utaminyane ring Bali. “Sekadi ring Kabupaten Gianyar sane ekonominyane sada becik, drika wenten prevalensi stunting,” . Dane ngangkenin prevalensi stunting akehan mawit saking kirangnyane edukasi indik pabuat gizi anak ngawit saking pranikah, mobot, ngembasang rare, kesehatan miwah pabuat gizi bayi nyantos mayusa 2 (kalih) warsa.

Dewa Made Indra ngwewehin Pemerintah Provinsi Bali sampun maprakanti sareng BKKBN Provinsi Bali ngamargiang utsaha nedunang prevalensi stunting ring Bali antuk nyarengang desa adat, organisasi keagamaan miwah tokoh keagamaan. Dane maosang utsaha nedunang prevalensi stunting patut kakawitin saking hulu inggih punika soang-soang wawidangan desa adat. Pemerintah sampun nyobihang mangda soang-soang Bendesa utawi manggala adat prasida nyadokang miwah mupulang pasangan muda-mudi sane pacang mawiwaha tur jagi kaicen edukasi pranikah olih tim pendamping saking BKKBN Provinsi Bali sane wenten ring soang-soang desa. (Rls/Btnc)


Komentar

Berita Terbaru







Terpopuler