Sekda Dewa Indra Nampingin Kemenparekraf RI Sandiaga Uno Mungkah Bali Street Carnival

Senin, 20 Mei 2024

BADUNG, Balitopnews.com -  Sekretaris Daerah (Sekda) Provinsi Bali Dewa Made Indra nampingin  Menteri Pariwisata dan Ekonomi Kreatif (Menparekraf) RI Sandiaga Uno Mungkah Pawai Budaya Bali Street Carnival pinaka silih tunggil eedan parikrama World Water Forum kaping-10. Side Event sane taler karauhin Menteri PUPR RI, Basuki Hadimuljono punika kamrgiang ring wawidnagan ITDC, Nusa Dua, Kabupaten Badung rahina Soma (20 Mei 2024 )

Parikrkama sane kasarengin antuk 1.200 seniman Bali punika,  pinaka prakanti Kemenparekraf RI   sareng Pemerintah Provinsi Bali sane nyolahang makudang-kudang sesolahan seni miwah budaya Bali majeng pamilet utawi delegasi World Water Forum kaping-10.

Menparekraf Sandiaga Uno sajeroning sambramawacananyane sajeroning patitis "Samudra Cipta Peradaban", World Water Forum Bali Street Carnival kaping-10 wantah utsaha nguningayang mabutnyane kawentena segara saha parade pinaka pralambang nyuksemayang segara pinaka wit kasukertan miwah wit kauripan. “Nganutin pawarah Bapak Presiden, parade budaya puniki prasida nyangkepin kenangan para pamilet sane rauh ka Bali, sane sampun kakukuhang olih World Water Council pinaka prawartaka pinih becik WWF,” baos Sandiaga. 

Samalihnyane, Menteri PUPR Basuki Hadimuljono sane taler ngrauhin antuk kamera kesayangan dane ring parade punika, kalangen ring parade miwah ngangkenin sampun nganterang partisipan WWF mangda digelis maginggsir nuju Bali Collection ITDC Nusa Dua nodia sasolahan punika “Titiang ngaturang suksma majeng Pak Sandiaga miwah Pemprov Bali,” baos dane. 

Margi peed aya punika ngawit saking ajeng Museum Pasifika Bali, wawidangan ITDC Nusa Dua,  nglintangin panggung kehormatan ring ajeng SOGO Department Store miwah Bali Collection Department Store raris puput ring margi sisi kangin Devdan Show Building.

Peed aya puniki ngunggahang sasolahan saking komunitas seni lokal ngawit saking ISI Denpasar, Bungan Dedari Karawitan Studio, Gianyar Paripurna Art Studio, Pancer Langit Bali Art Studio, Kokar Bali Art Studio, Gumiart Art Studio miwah Gita Mahardika Studio.

Makudang sasolahan prasida nutdut kayun pamilet saneakehan saking delegasi negara-negara pamilet WWF kaping 10 2024. Sakadi sasolahan kapertama saking, Bungan Dedari Karawitan Studio sane nyolang peed antuk patitis "Baruna Warnana", suksmannyane nyuksemayang Ida Dewa Baruna.

Wenten taler Gumi Art Studio sane nyolahang sasolahan antuk patitis "Danacita Segara" utawi Peradaban Multikultural dan Ekonomi Kreatif, berdasarkan akulturasi budaya masyarakat Bali dan sikap kreatif mereka terhadap potensi budaya. Kairingin tari Samudera Khanda kairingin gemelan Rampak Kendang miwah busung.
Pinaka pamuput, Sanggar Seni Gita Mahardika ngawianang angob sang nonton antuk ngunggahang patitis "Segara Danu Negara", sane maderbe kasukseman pinaka interaksi budaya lintas laut. Tiosan tarian sane ngunggahang kalewihan sagara, kemurnian miwah keagungan jagat Bali, Sanggar Gita Mahardika ngunggahang atraksi tematik mamurda "Danu Murti" sanemadaging presentasi karya instalasi Candi Balingkang, nglampahang indik sapamadeg Raja Dalem Balingkang sareng rabin idane Kang Ching Wie miwah Dewi Danu.(Rls/Btnc)

• TAGS:
• Pemprovbali