Ny. Putri Koster : Program Prioritas TP PKK Bali Ngicalang Gizi Buruk (Stunting)
- 25 Februari 2020
- 17:02 WITA
- News
.jpeg)
Balitopnews.com, SINGARAJA – Ketua TP PKK Provinsi Bali Ny. Putri Suastini Koster negesan proram prioritas TP PKK Bali inggih punika ngakehin gizi mangda kawangun sentana sane seger rahayu pungkuran utamanyane ngicalang gizi buruk (stunting) lan nyobyahang indik baya saking narkotika majeng yowanane pinaka calon pemimpin bangsa.
Indik punika kategesan Ny. Putri Koster duk ngerauhin gebyar integrasi pemantauan pertumbuhan lan perkembangan miwah ngicen vitamin A ring Desa Galungan, Kecamatan Sawan, Kabupaten Buleleng, Anggara (25 Februari 2020).
Ny. Putri Koster maosang kesehatan dados prioritas Pemerintah Provinsi Bali rikala nangun visi lan misi pembangunan Bali 'Nangun Sat Kerthi Loka Bali'. Pembangunan kesehatan kadadosan investasi utama jagi nincapan sumber daya manusia (SDM) Indonesia utamane Bali. Munggwing asapunika ngakehin gizi antuk tetujon nangun generasi sane seger pungkuran dados sinalih tunggil prioritas ring program tim penggerak PKK sane pacang katangian, utamane ngicalan gizi buruk (stunting) lan nyobyahang indik baya narkotika majeng pare yowana pinaka calon pemimpin bangsa.
Gebyar integrasi pemantauan pertumbuhan lan perkembangan puniki kadagingin antuk ngicen vitamin A sane kelaksanayang sinarengan ring Bali. Melarapan gebyar terintegrasi TP PKK sareng Dinas Kesehatan raris tetujon jagi ngewangun generasi mautama Krama Bali seger presida kajujur. Mabukti ring desa Galungan mangkin wantah wenten tiga (3) krama kantun stunting. Puniki kebaos ngedikan santukan duk warsa dumunan makehnyane 14 diri.
"Nyagra mangda alit-alit iragane setata kenak dahat mabuat pisan santukan makehan guru rupaka kirang rungu pemargin yusan alit-alite, napi malih indik ajeng-ajengan ring jejaban. Pemerintah pacang setata ngicen vitamin A majeng meduluran antuk posyandu santukan vitamin puniki kaucap meweh kapolihan olih alit-alite sane nenten seneng nabati (sayur-mayur) lan ulam," baosne.
Nyabran desa medue cakepan indik makeh krama antuk batita lan balita, dadosne duk sasih vitamin A (Februari lan Agustus) sane nenten rauh pacang kerauhin olih oleh petugas posyandu sane wenten ring desa utawi banjar suwang-suwang.
Kepala Dinas Kesehatan Provinsi Bali Ketut Suarjaya ngawewehin indik stok vitamin A ring warsa puniki (sasih Februari lan sasih Agustus) kantun wenten lan dinas kesehatan medue kirang langkung 350.000 jagi kaicen majeng batita balita sane meyusa 1-5 tiban ring Bali warsa puniki.
Vitamin A wenten kalih (2) rupa inggih punika kapsul pelung madaging 100.000 intel unit kaicen ring rarw mayusa 6-11 sasih lan kapsul barak sane medaging 200.000 intel unit kaicen balita 12-59 sasih.
Tiosan raris Plt. Ketua TP PKK Kabupaten Buleleng Ny. Wardhany Sutjidra nangian kader TP PKKne makasami mangda ngeukung program pemerintah utamane ngicalang stunting. Dane nunas ring krama istri mangda nanem sarwa jangan apisanan ring HATINYA PKK, dadosne nenten meweh dane ngalap sedurung kaolah, antuk tetujon ngicen asupan ajeng-ajengan magizi lan ngakehin gizi majeng alit-alitne. (Balitopnews.com/md/rls)
Komentar