Pasien Positif saking PMI Ngangsan Ngemakehan
- 09 April 2020
- 21:04 WITA
- News
DENPASAR, Balitopnews.com - Pasien positif saking PMI ngangsan ngemakehan, makehan WNI sane mekarya ring Amerika lan Italia. Indik punika kaodar Gubernur Bali Wayan Koster sane pinaka Ketua Gugus Tugas Pelaksana Percepatan Penanganan Covid-19 Provinsi Bali, ring Rumah Jabatan Jaya Sabha, Denpasar, kaabih Sekda Provinsi Bali, Dewa Made Indra, Buda (8 April 2020)
Gubernur Koster nguningan, kawentenan makeh nyare PDP 215 diri. Kawentenan pasien positif makeh nyane 49 diri (7 diri WNA lan 42 diri WNI) maweweh 6 diri WNI saking dibi. Kawentenan pasien positif WNI makeh nyane 42 diri inggih punika
: kawentenan pasien positif meneng ring Bali makeh nyane 27 diri maweweh 1 diri saking dibi. Kawentenan pasien positif PMI makeh nyane 15 diri, maweweh 5 diri saking dibi. Pasien padem WNA makeh nyane 2 diri. Pasien positif sane kenak makeh nyane 19 diri (4 diri WNA lan 15 diri WNI). Pasien sane katambanin makeh nyane 28 diri (1 diri WNA lan 27 diri WNI).
Wayan Koster ngawewehin, krama Bali sane dados Pekerja Migran Indonesia (PMI) Anak Buah Kapal (ABK) kakantenan lintang saking 20.000 diri. Ngawit saking 29 Maret kantos 7 April 2020 sampun kabudalan 6.174 diri. Wengine malih jebos pacang budal saking Amerika makeh nyame 601 diri. Nyabran rahina wenten sane budal saking dura negara.
"Awig-awig iraga ring Bali, sami mangda nyarengin Rapid Test mangda kawentenanne kauningin. Sane negatif dados budal sakemaon mangda ngekeb dewek ring pakubonanne suwang-suwang antuk seken lan katureksa olih Satgas Gotong-royong Desa Adat. Nunas mangda krama ring desane presida nampa sapangrauh kramane punika, sakemaon mangda katureksa. Sane positif mangda kakekeb ring genah sane sampun kasadyayang olih Pemprov Bali utawi dados nyujur ke rumah sakit rujukan," dane nyineb. (Balitopnews.com/gix)
Komentar