Pemprov Bali Nyayagayang Genah Ngeb Antuk 1.012 Pamereman
- 10 April 2020
- 18:04 WITA
- News
DENPASAR, Balitopnews.com -Pemerintah Provinsi Bali sampun nyayagayang genah ngekeb majeng krama Bali sane dados Pekerja Migran Indonesia (PMI)/ Anak Buah Kapal (ABK) antuk 1.012 pamereman. Indik punika kaodar Gubernur Bali Wayan Koster sane pinaka Manggala Gugus Tugas Pelaksana Percepatan Penanganan Covid-19 Provinsi Bali ring rumah jabatan Jaya Sabha, Denpasar, Buda (8 April 2020)
Genah ngekeb sane kasayagayang Pemprov Bali inggih punika Balai Pelatihan Kesehatan Masyarakat Provinsi Bali, Badan Pelatihan SDM Provinsi Bali, Wisma Bima duwen Kementerian PU, Politeknik Transportasi Darat duwen Kementerian Perhubungan (cadangan).
Manut Koster, genah sane kaangge ngekeb puniki pinaka sarana pendidikan majeng pare pegawai lan pejabat struktural.
"Medaging sarana sane adung sekadi genah merem, pamereman lan kejangkepin AC. Taler sampun kajangkepin ajeng-ajengan lan inuman sane becik miwah ten patut naur sane sekadi kasayagayang olih katering, antuk prebea saking Pemprov Bali," baosne.
Koster negesan, ring nambakin covid-19 taler kasayagayang petugas medis miwah aparat keamanan. Nadosang RS PTN UNUD dados Pusat Penanganan covid-19 sane ngawit memargi pinanggal 7 April 2020. Kawentenan kamar sane sampun kasayagayang anggen ngerawat pasien positif makeh nyane 9 kamar, kawewehin kamar sane nedeng kasayagayang anggen pasien positif makeh nyane 40 kamar antuk 65 pamereman. Kawewehin kamar sane nedeng kasayagayang anggen PDP makeh nyane 32 kamar (1 kamar antuk 1 pamereman). Kasayagayang Dokter Spesialis, Dokter Umum, lan Perawat. Pemargi nambakin covid-19 ring RS PTN UNUD kadanain saking APBD Semesta Berencana Provinsi Bali warsa 2020. Antuk ngawit kemargian RS PTN UNUD raris pasien PDP lan pasien positif covid-19 sane wau katambanin nenten malih katambanin ring RSUD Kabupaten/Kota, mangda pengelimbak covid-19 ngangsan muredan.
Raris pasien positif sane abot pacang katambanin ring RSUP Sanglah.
"Antuk asapunika presida iraga pupulan lan nenten dados pikobet Kabupaten/kota ring Bali", sineb Koster. (Balitopnews.com/gix)
Komentar