19 Pasien Corona Kenak
- 09 April 2020
- 22:04 WITA
- News
DENPASAR,Balitopnews.com - Ketua Harian Gugus Tugas Percepatan Penanganan Covid-19 Provinsi Bali, Dewa Made Indra, Respati 09 April 2020 nguningan makasami kasus positif covid-19 makeh nyane 63 diri. Raris sane kenak makeh nyane 19 diri.
Dewa Indra maosan, indik paweweh kasus positif makeh nyane 14 diri. 12 diri pinaka Imported Case lan 2 diri Transmisi Lokal sane kakawinan polih nampek sareng krama positif covid-19. Kawentenan kasus positif covid-19 ring Bali makeh nyane 63 diri. Makeh pasien sane kenak 19 diri lan pasien positif covid-19 sane padem kantun 2 diri.
Dewa Indra nunas, antuk tetujon munggel kawentenan virus corona makasami patut ngelanturan keuratian ngangge masker ring jejaban, santukan masker medua kalih kawigunan inggih punika mantuke ring anak sungkan (kokohan lan flu) dadosne tetampyas utawi droplex pacang katambakin olih masker sane ngeranayang tetampyas punika nenten pacang medal lan nibenin krama tiosan. Raris masker mantuke ring krama kenak pacang nambakin prerai minakadi irung, cangkem lan peninggalan saking tetampyas krama tiosan.
Tiosan malih, sampunan ngenenin prerai minakadi irung cangkem lan peninggalan disampun ngambil barang-barang lan sedurung ngewajikin tangan.
"Santukan tiga indera ring angga iragane punika pacang ngelahang majeng virus corona ngeranjing ke angga. Setata urati mangda maedohan sareng semeton utawi krama tiosan, santukan nenten sami krama kalalahin virus corona pacang nyihnayang ceciren," sineb dane. (Balitopnews.com/gix)
Komentar