PMI Patut Ngelintangin 3 Undag Protokol Kesehatan
- 11 April 2020
- 11:04 WITA
- News
BADUNG, Balitopnews.com - Pekerja Migran Indonesia (PMI) patut ngelintangin protokol kesehatan antuk 3 undag. Indik punika kabaos Ketua Harian Gugus Tugas Covid-19 Provinsi Bali Dewa Made Indra, Sukra 10 April 2020, ring terminal pengrauh Internasional Bandara Internasional I Gusti Ngurah Rai.
Dewa Indra maosan, pengrauh PMI sakinh dura negera ngawit saking galah 14.00 WITA, makeh nyane 537 diri minakadi saking 97 ABK Carnival Cruise Line, Miami-Amerika lan 440 ABK Carnival Cruise Line, New Orleans-Amerika. Sapangrauh PMI kasanggra olih petugas kesehatan lan petugas pengabih. Petugas Kesehatan rauh saking Kantor Kesehatan Pelabuhan (KKP), Kesdam, Dokkes Polda Bali, Dinas Kesehatan Provinsi Bali, Badung lan Kota Denpasar. Petugas pengabih (nureksa pengrauh) inggih punika saking Disnaker ESDM, Pol PP, BPBD, Dishub, unsur TNI & Polri lan PMI.
Dewa Indra ngawewehin, dane mangda ngelintangin protokol kesehatan antuk 3 undag inggih punika undag kapertama PMI ngelaksanayang registrasi lan nureksa yus angga ngangge thermo gun. Undag ping kalih petugas kesehatan ngemargian cek saturasi O² lan nakenin minab wenten ceciren dekah (dekah, sungkan kolongan lan anget/ polih anget) miwah nakenin napi polih malelungan. Kaping tiga petugas ngelaksanayang rapid test majeng PMI. (Balitopnews.com/gix)
Komentar