Gubernur Nyurat Parencana Majeng Krama Sane Katampis Covid-19
- 13 April 2020
- 21:04 WITA
- News
DENPASAR,Balitopnews.com-Pemerintah Provinsi Bali nedeng nyurat parencana majeng krama sane kakaranayang covid-19. Punika kaodar Gubernur Bali Wayan Koster wusan parum sareng bupati/walikota se-Bali ring Jayasaba Denpasar, Soma 13 April 2020.
Nenten presida katulak yening pandemi covid-19 puniki sampun ngeranayang makasami baga perekonomian kramane ngendukan. Gubernur Bali Wayan Koster sampun nyurat parencana majeng krama sane katampis sekadi dane sane keni PHK, karyawan sane kepraian, tenaga sane mekarya nenten ngerahina lan tiosan.
"Sane keperluan ring galah nampek pacang kaadungan sareng program pemerintah pusat sekadi, Program Keluarga Harapan, Bantuan Pangan non Tunai lan Kartu Pra Kerja. Raris majeng program sane wenten ring daerah prebeane dados saking dana desa sane mawit saking APBN lan dana desa adat sane mawit saking APBD," baos Koster.
Koster ngawewehin, ring parum sareng bupati/walikota se-Bali taler kaigumin format lan mageng saking dana desa lan dana desa adat.
"Parencana lan magengne pateh, pemargine kaserahang majeng bupati/walikota suwang-suwang," ucap dane.
Tiosan raris, majeng pangutsaha sane katampis, Koster nguningan parencanane pacang kaamongin olih Wakil Gubernur Bali, antuk pengapti parencana sane kemargiang presida gelis ngewalian majeng pangutsaha. (Balitopnews.com/gix)
Komentar