Penggak PKK' ring Buleleng, Putri Koster Nuladan Semangat Gotong Royong
- 18 Juni 2020
- 16:06 WITA
- News
BULELENG, Balitopnews.com - Ketua Tim Penggerak PKK Provinsi Bali Putri Suastini Koster mewali ngemargiang 'Penggak PKK'. Sane mangkin, 'penggak' pinaka genah ngicen sembako majeng krama Bali punika kemargiang ring Desa Pohbergong, Kecamatan Buleleng, Kabupaten Buleleng, Buda 17 Juni 2020.
Seket krama Bali kasaksi mebaris makta tas belanja kain utawi ulatan tiing maedohan ngamutin protokol kesehatan. Krama istri puniki "matumbasan" nenten naur utawi gratis lakar unten ajengan sane kasagiang ring 'Penggak PKK', sekadi beras, jangan-janganan, minyak goreng, base, ulam, teh, kopi lan gendis. Wantuan punika manut krama sane rauh dahat ngewantu kramane ring masan gering Covid-19 sane taler ngelimbak ring baga ekonomi.
Ketua TP PKK Provinsi Bali Putri Suastini Koster maosan, wantuan puniki pinaka cihna eling TP PKK majeng krama Bali sane pastika keni pengelimbak ekonomi.
"Sampunan nyingak materine, alit jakti sakemaon puniki anggen nangian semangat gotong-royong. Untengne ring kawentenan sekali puniki ngiring masikian. Pastika pacang setata wenten wantuan majeng pare semeton sane ngaptiang. Antuk asapunika, pastika kacihna dane nenten pedidi," ucap istri Gubernur Bali Wayan Koster puniki.
Manut dane, 'Penggak PKK' puniki pinaka cihna kearifan lokal Sagilik Saguluk Salunglung Sabayantaka, Paras Paros Sarpanaya, Saling Asah, Asih, Asuh, rikala krana Bali sinarengan nambakin kawentenan sane memargi.
Nenten wantan ngicen wantuan sembako, Putri Suastini Koster taler ngicen wantuan bibit, maskeran leaflet indik nambakin Covid-19. Leaflet puniki rauh saking pikayun lan geguwat Presiden kaping lima RI Megawati Soekarno Putri. Orti sane kasurat puniki dahat mabuat kauningin krama, utama nyane krama sane meneng ring desa.
Pregina makeh kawikan punika taler kramane antuk magending. Bali. Bagia sane kawangun puniki ngicen imunitas majeng krama ring Desa Pohbergong.
Selantang acara, Putri Koster setata ngelingin kramane mangda ngigumin protokol kesehatan Covid-19 lan ngelaksanayang Pola Hidup Bersih lan Sehat (PHBS).
Taler rauh anggota DPRD Bali sane juga rabin Bupati Buleleng I Gusti Ayu Aries Sujati Suradnyana, Plt Ketua Tim Penggerak PKK Kabupaten Buleleng Ida Ayu Wardhany Sutjidra, Kepala Dinas PMD Provinsi Bali Putu Anom Agustina, Kepala Dinas PMD Buleleng, Camat Buleleng lan Perbekel Desa Pohbergong.(gix
Komentar