Pemprov Bali Ngamedalan Wates Resmi Prebea Rapid test lan Swab PCR
- 20 Juni 2020
- 15:06 WITA
- News
DENPASAR, Balitopnews.com. Pemprov Bali melarapan Sekda Dewa Made Indra ngamedalan Surat Edaran No.440/8890/Yankes.Diskes/2020 antuk tetujon ngicen ayah-ayah rapid test lan Swab PCR Covid-19.
Surat Edaran mapinanggal 19 Juni 2020 katuju majeng Ketua GTPP Covid-19 Kabupaten/ kota, Kadiskes Kabupaten/ kota, Direktur RS Pemerintah/Swasta, Kepala Lab lan Kepala Klinik se-Bali.
Antuk tetujon ngicen ayah-ayah rapid test lan Swab PCR Covid-19, Sekda negesan indik panureksan rapid test/ Swab PCR kasus Covid-19 lan amongan saking GTPP Covid-19 Bali lan kabupaten/ kota kalaksanayang nenten keni prebea.
Indik panureksan rapid test lan Swab PCR sang sane malelungan newek (mandiri) dados kakenian prebea manut uger prebea ring suwang-suwang fasilitas kesehatan.
Awig prebea rapid test sane kalaksanayang ring suwang-suwang fasilitas kesehatan mangda anut sareng unit cost antuk upanaya prebea nenten lintang Rp.400.000. Raris indik prebea Swab PCR nenten lintang Rp.1.800.000.
Sami fasilitas kesehatan sane kalaksanayang panureksan rapid test utawi Swab PCR mangda manut standar lan sering nyaduang majeng dinas kesehatan kabupaten/ kota antuk tembusan ke dinas kesehatan provinsi.(gix)
Komentar