Jemet Tedun Ring Masan Gering Covid-19, Kadisperindag Bali Nunas Tigang Pasar Tradisional ring Mengwi Badung Ngunggahang Protokol Kesehatan
- 20 Juni 2020
- 20:06 WITA
- News
MANGUPURA, Balitopnews.com -Gugus Tugas Percepatan Penanganan Covid-19 Provinsi Bali melalui Dinas Perindustrian dan Perdagangan Provinsi Bali bersama Satpol PP Provinsi Bali dan Polsek Mengwi melakukan sidak di tiga pasar di daerah Mengwi, Kabupaten Badung, Sabtu 20 Juni 2020.
Kepala Dinas Perindustrian lan Perdagangan Provinsi Bali I Wayan Jatra maosan pasar tradisional pinaka klaster anyar pengelimbak Covid-19 kamanah patut ngangsan makeh kasobyahin indik protokol kesehatan minakadi majeng sang sane matumbasan miwah pedagang.
Kapilihne pasar tradisional santukan genah puniki pinaka genah konvensional sane nyiagayang blok majeng pedagang ring awewangunan lan taler wenten makudang pedagang sane nadosan wewidangan sisi pasar pinaka pasar tumpah. Parikrama puniki nyelanan kalaksanayang semeng, santukan geginan krama nyiagayang lakar ajengan ring semeng lan disampune dane sane ke pasar tumpah pacang mewali budal.
Wayan Jatra ngawewehin, parikrama puniki kalaksanayang manut pakeling Gubernur Bali pinaka Ketua Gugus Tugas Percepatan Penanganan Covid-19 Provinsi Bali. Indik puniki pinaka upanaya ngirangin pangelalah Covid-19 ring pedagang lan sang sane matumbasan.
Ring sidak puniki Kadisperindag lan tim Gugas Covid 19 Provinsi Bali nyaksi kawentenan ring pasar. Yening manggih pedagang utawi anak metumbasan sane nenten ngangge sabe patut, maskerne sampun nenten becik utawi nenten ngangge masker tim ngicen tetulad utawi ngicen masker kain.
"Antuk kalaksanayang puniki, raris pacang kalaksanayang koordinasi lan evaluasi lantur, indik ngamungguhan protokol kesehatan sane wenten ring pasar-pasar puniki sekadi kawentenan genah wajik tangan, ngangge masker olih pedagang lan sane matumbasan, genah pedagang lan taler kasadiayang pedagang makta hand sanitizer ring kantong suwang-suwang," ucap Kadisperindag Bali I Wayan Jatra.
Disampun ngelaksanayang sidak ring pasar Mengwi, tim saking Dinas Perindustrian lan Perdagangan Provinsi Bali, Satpol PP lan makudang anggota TNI-POLRI ngelanturang sidak ke pasar tradisional Desa Blahkiuh lan Mambal.
Jatra maosan antuk rauh semeng pisan tim presida nyaksi pucak ramiane pasar tradisional kantos presida kaevaluasi.
"Titiang nyapnyap santukan sang sane matumbasan lan sane meadolan makeh. Ring kawentenan gering puniki janten iraga ngaptiang mangda sampunan geginan kramane ring pasar puniki dempet," baosne.
Dane maosan tigang pisarat utama sane patut kemargiang inggih punika ngangge masker, maedohan lan ngewajik tangan. Kantun kepanggih anak ngangge masker kirang becik utawi kirang patut dados pikayun Kadisperindag.
Dane maosan pungkuran tiosan ngicen tetulad ring pasar minab taler presida ngewantu ngicen masker majeng pedagang. Sami sane raih ring pasar patut ngange masker sane becik. Napi malih wenten pedagang sane jada sane elah kalalahin.
Sakemaon sane dahat kakayuninne inggih punika ngenterang genah pedagang miwah sang sane matumbasan. Munggwing asapunika pungkuran patut kaenterang makeh utawi galah operasionalne
Dane taler nunas genah wajik tangan kaanggen sebecikne. Sedurung ngeranjing utawi sedurung budal saking pasar, sang sane rauh patut ngewajik tangan.(gix)
Komentar