Nureksa lan Ngemastikayang Awig Rapid Test Newek Memargi Becik, Sekda Dewa Indra Tedun ke Pelabuhan Gilimanuk
- 20 Juni 2020
- 21:06 WITA
- News
JEMBRANA, Balitopnews.com - Sekda Provinsi Bali Dewa Made Indra malih tedun nganureksa kawentenan pinih anyar indik ngenterang lan arus ngeranjing Bali melarapan genah ngeranjing Pelabuhan Gilimanuk, Kabupaten Jembrana.
“Panureksan puniki anggen nyaksi sapunapi kawentenan ring Pelabuhan Gilimanuk disampun Gugus Tugas ngemargiang awig-awig anyar, utamane indik ayah-ayah rapid test,” tegea Sekda Dewa Indra duk sapangrauhne ring rahina Saniscara 20 Juni 2020.
Sekda negesan disampun sedurungne Gugus Tugas ngambil awig indik nyadiayang ayah-ayah rapid test utamane ring masan arus balik lebaran, mangkin krama tamiu patut ngelaksanayang rapid test newek mandiri. Sesampunne kadadosan ngeranjing ke Bali yening presida nyihnayang sewalapatra rapid test nenten reaktif.
"Mangkin ring pelabuhan Ketapang kemanten wenten 2 genah rapid test. Dumun nenten wenten. Mangkin taler arus balik lebaran sampun puput lan sampun patut iraga ngunggahang awig (rapid test newek, red) punika,” baosne.
Raris anggen nyawis indik antrean lantang pelinggihan utamane truk manut Sekda Dewa Indra sampun kapuputan antuk nyaksi newek kawentenan ring sekalane inggih punika arus kendaraan sampun antar.
“Teges nyane pare supir lan penumpang punika sampun uning awig lan ngemargiang becik," ucap dane.
Indik kasadiayang alat anggen rapid test, birokrat saking Pemaron, Kabupaten Buleleng puniki maosan sepatutne ring Bali wenten 1500-2000 kit rapid test nyabran rahina ring genah-genah ngeranjing Bali sedurung wenten awig ngemargiang rapid test newek majeng krama tamiu. Semalihne nika wantah anggen ngayahin pelinggihan logistik.
"Disampun suwe kaprakondisian, sering kasobyahang, ngogokang ayah rapid test lan tiosan raris kaambil awig inggih punika sami sane ngeranjing ke Bali patut ngelaksanayang rapid test newek,” tegesne.
Sekda Dewa Indra sane kaabih makudang kepala OPD tedun nyaksi fasilitas rapid test majeng krama tamiu miwah nyaksi tata titi panureksan kejangkepan administrasi kependudukan sane patut kebakta sedurung ngeranjing ke Bali.
Sekadi kaorti sedurungne, tiosan nyihnayang sewalapatra pikeling rapid test nenten reaktif, krama tamiu patut makta data kependudukan, sewalapatra pikeling pekaryan, pikeling boreh miwah patut nagingin aplikasi cek angga sane pacang mantau kawentenan krama punika sekantun wenten ring Bali. (Gix)
Komentar