Kadiskes Bali : Rp 1,3 Miliar Pinaka Makasami Saking Prebea Rapid Test
- 21 Juni 2020
- 11:06 WITA
- News
DENPASAR, Balitopnews.com. Kepala Dinas I Kesehatan Provinsi Bali Ketut Suarjaya negesan makasami prebea Rp 1,3 Miliar serahina sane kaodar Gubernur pinaka prebea makasami saking prebea rapid test sane kalaksanayang ring Bandara I Gusti Ngurah Rai, Pelabuhan Gilimanuk miwah Pelabuhan Padangbai taler pemargi rapid test ring makudang wewidangan antuk kawentenan transmisi lokal.
Tiosan malih, prebea punika taler prebea pemargi Swab Test antuk metode PCR sane kalaksanayang nyabran 2 (kalih) rahina apisan majeng pasien Covid-19 sane katambanin ring makudang rumah sakit rujukan lan genah ngekeb sane kasayagayang Pemerintah Provinsi Bali.
"Dadosne Pemprov Bali ngamedalan prebea miliaran rupiah nyabran rahina boya wantah anggen prebea rapid test ring Pelabuhan Gilimanuk kemanten, nanging ngenterang Covid-19 makasami," ucap Suarjaya, Saniscara (20/6) wengi apisanan negesan janten ring Pelabuhan Gilimanuk kawentenanne makeh, sekirangne 1000 diri serahina kantos 2.000 diri patut ka-rapid test, utama nyane majeng angga pelinggihan logistik nyujur Bali.
Durung malih lantur Suarjaya, petugas sampun sering ngelaksanayang test ring genah utawi desa sane dados kluster anyar pangelalah Covid-19.
"Sekadi ring Desa Abuan, Bangli utawi Bondalem, Buleleng, kelaksanayang rapid test massal, raris kelanturang Swab mabasis PCR," teges dane.
Mangkin Dinas Kesehatan Provinsi Bali nelasan rapid test 3000-4000 test serahina, minakadi ring pelabuhan, tracing kontak lan surveilans tiosan. Indik prebea rapid test ring faskes swasta mangkin 400-500 tali apisan rapid test.
Manut dane sane saking Pengastulan Buleleng puniki, Pemerintah Provinsi Bali puniki sampun meayanin prebea rapid test sane kemargiang ring genah ngeranjing Bali ring Pelabuhan Gilimanuk lan Pelabuhan Padangbai nenten naur utawi gratis majeng angga pelinggihan logistik. Dadosne medasar antuk sewalapatra utawi Surat Edaran Nomor : 257/GugasCovid19/VI/2020 pinanggal 16 Juni 2020 indik Penghentian Rapid Test Gratis ring Pelabuhan Gilimanuk lan Pelabuhan Padangbai, Gugus Tugas Percepatan Penanganan Covid-19 Provinsi Bali nenten malih ngicen ayah-ayah rapid test nenten naur majeng angga pelinggihan logistik ring Pelabuhan Gilimanuk lan Pelabuhan Padangbai sane memargi saking Respati 18 Juni 2020 ngawit galah 08.00 WITA.
"Sampun sepatutne angga pelinggihan kendaraan logistik patut makta sewalapatra pikeling rapid test newek, makasami prebea patutne kabeayanin olih perusahaanne," ucap Suarjaya.
Tiosan saking punika, medasar antuk Sewalapatra Pikeling No.440/8890/Yankes.Diskes/2020 pinanggal 18 Juni 2020, antuk panureksan Rapid Test lan Swab PCR krama tamiu lan kaanggen newek (mandiri) dados kakenian prebea manut awig suwang-suwang ring fasilitas kesehatan. Awig prebea rapid test sane memargi ring suwang-suwang fasilitas kesehatan mangda ngadungan sareng unit cost antuk ngupanayang prebea nenten lintang Rp. 400.000 lan indik prebea panureksan Swab PCR mangda nganut antuk unit cost lan kaupanayang nenten lintang Rp. 1.800.000.
Suarjaya negesan, rincian indik prebea sane kamedalang olih Pemerintah Provinsi Bali anggen ngelaksanayang rapid test lan swab serahinane, minakadi saking rapid test ring Pelabuhan Gilimanuk Rp 200-250 yuta ring Pelabuhan Padangbai Rp. 50an yuta, rapid test & swab pasien kakekeb/ rumah sakit lan genah tiosan kantos 1 miliar serahina. Dadosne yening kapetek matematisne janten nelasan prebea Rp 1,3 miliar serahina. Nika durung kapetek malih prebea operasional SDM sane mekarya kantos 24 jam serahinane.
"Agengne prebea sane kaucap Gubernur duk nyawis pitaken doorstop sareng juru warta manut duk nyarengin parum koordinasi GTPP Covid-19 Provinsi Bali ring Jayasabha Jumat (19 Juni 2020 - red)," sineb Suarjaya. (gix)
Komentar