Gubernur Bali Wayan Koster : Bali Kabungkah Local 9 Juli 2020, Kawawanin Pangubhaktian ring Pura Besakih
- 21 Juni 2020
- 20:06 WITA
- News
DENPASAR, Balitopnews.com- Gubernur Bali I Wayan Koster mewali negesan, nyujur Bali anyar pacang kabungkah makasami sektor setios pendidikan lan pariwisata.
Mungkah Bali antuk lokal kawawanin pangubhaktian ring Pura Besakih ring pinanggal 5 Juli 2020. Selanturne 9 Juli pacang kabungkah lokal Bali makasami majeng sektor setios pendidikan lan pariwisata.
Koster taler nyobyahang, indik pendidikan nyantos pekeling saking Mendikbud. Indik pariwisata pacang kalaksanayang maundag majeng wisatawan nusantara lan dura negara.
"Wisatawan nusantara dumun wau wisatawan dura negara. Kantun ngerereh rahina becik. Sareng Menteri Pariwisata sampun igum majeng wisatawan nusantara sasih Agustus, dura negara sasih September. Pinanggalne durung, pacang karerehan dewasa ayu antuk nyaksi kawentenan covid. Yening ngamecikang minab gelis, minab taler pungkuran," baosne.
Indik genah wisata, dane pacang mungkah genah wisata sane bayane kedik dumun.
"Genah wisata sane bayane kedik dumun jagi kabungkah. Yening sane ramia-ramia sekadu ring tukad sekadu rafting sampunan dumun santukan kasarengin olih krama makeh. Yening ring segara kantun presida kaenterang (physical distancing-red). Yening musik-musik wengine sampunan dumun," sinebne, Redite 21 Juni 2020. (Gix)
Komentar