Gubernur Bali Wayan Koster : ASN Mangda Mekarya Manut Sikut Uger-uger
- 24 Juni 2020
- 15:06 WITA
- News
DENPASAR, Balitopnews.com -Antuk tetujon nincapan pakriyan ASN ring wewidangan Pemerintah Provinsi Bali, Gubernur Bali Wayan Koster ngicen pewarah majeng makasami pejabat lan pegawai melarapan virtual/ zoom, pare Buda 24 Juni 2020.
Ring upanaya nincapan pakriyan Pemerintah Provinsi Bali, Gubernur Koster nunas mangda pinaka Aparatur Sipil Negara (ASN) ngelingin miwah ngawikanin indik mekarya pinaka s
ASN nenten wantah mekarya, sakemaon sepatutne mekarya manut sikut uger-uger.
Sikut uger-uger sane kaucap inggih punika sikut uger-uger yuridis madasar awig-awig miwah sikut uger-uger sane medasar visi-misi pembangunan saking Gubernur lan Wakil Gubernur kajodi.
“Sekadi sane kauningin sinareng sami visi misi program pembangunan iraga mangkin wantah Nangun Sat Kerthi Loka Bali nyujur Bali Era Baru. Munggwing asapunika sami program pembanguan minakadi jangka panjang miwah bawak utawi pendek patut adung sareng visi misi punika," ucap dane.
Tiosan malih Gubernur Koster taler negesan makasami ASN, minakadi PNS utawi nenten PNS patut nyarengin dados juru baos pemerintah, minakadi indik program sane kantun memargi utawi program sane pacang kalaksanayang. Munggwing asapunika pare ASN mangda urati majeng program-program pemerintah lan sane kalaksanayang olih Gubernur lan Wakil Gubernurne.
"Napi malih ring masan gering puniki, titiang nunas makasami ASN setiosan ngawikanin program ring bagane suwang-suwang taler patut ngawikanin program jangka panjang lan program jangka pendek sane nedeng kalaksanayang olih pemerintah kantos ngicen orti majeng krama nenten,” sineb dane.(gix)
Komentar