Pemprov Bali Ngmargiang Tes Operasional Nganggén Aplikasi Love Bali
- 07 Februari 2024
- 18:02 WITA
- News
DÉNPASAR, Balitopnews.com - Pemerintah Provinsi Bali nglaksanayang ujian pungutan wisatawan asing (Tourism Levy) sané jagi kamargiang ring rahina Buda Umanis Julungwangi, 14 Fébruari 2024. Sadurungnyané, layanan Love Bali sampun kauji nganggén User Acceptance Test (UAT) masarana aplikasi Love Bali sistem DevTest ri kala Tes Operasional (TO), Buda Wagé Warigadéan, 7 Fébruari 2024 ring Kantor Bank BPD Bali. Makasami sistem lan mekanisme kamargiang nganggén data asli wisatawan.
Pranata Komputer Ahli Muda Dinas Komunikasi Informatika dan Statistik Provinsi Bali Ngurah Udiyana nguningang, tes operasional (TO) pinaka pamargi panguntat sadurung layanan Love Bali kamargiang. Mabahayan nganggén Tourism Levy patut kauji, rumasuk mabayahan ngraga, sekaa, muang soang-soang endpoint utawi payment gateway. Taler nguji metode mabayahan nganggén kartu tiosan makadi VISA, Master, JCB, AMEX, BCA, BPD Bali Channel, bank transfer kantos QRIS.
Makudang-kudang turis katunasin nyarengin pidabdab naur pungutan wisatawan asing (Tourism Levy) puniki. “Tes operasional nganggén data asli wisatawan,” baos Kadis Pariwisata Provinsi Bali, Tjok Bagus Pemayun.
Kadis Komunikasi, Informatika dan Statistik Provinsi Bali, Gedé Pramana maosang, turis dura negara greget mabayahan nganggén Tourism Levy. Mabukti ri kala aplikasi Love Bali kaungguhang saking tengah latri kantos jam 5 soré, turis dura negara sané mabayahan nganggén Tourism Levy akéhnyané 700 lintang. Indiké puniki muktiyang pasobiah olih Pemerintah Provinsi Bali mamargi antar samaliha katerima antuk wisatawan. (Rls/Btnc)
Komentar