Penjabat Gubernur Bali Mastiang Pamargi Tourism Levy
- 06 Februari 2024
- 18:02 WITA
- News
DÉNPASAR, Balitopnews.com – Penjabat Gubernur Bali S.M Mahéndra Jaya mastikang pikamkam ngmargiang dudukan utawi pungutan wisatawan asing (Tourism Levy) sané jagi kalaksanayang ngawit Buda Umanis Julungwangi, 14 Fébruari 2024. Sadurung Tourism Levy kamargiang, Pj Guburnur Bali ngmargiang paruman teknis sareng Dinas Pariwisata Provinsi Bali, Diskominfos Provinsi Bali, Bapenda Provinsi Bali, Biro Hukum Setda Provinsi Bali, lan BPD Bali ring Ruang Rapat Kantor Gubernur Bali, Anggara Pon Warigadéan, 6 Fébruari 2024. “Malih kutus dina Love Bali sampun kamargiang, titiang meled mastikayang pidabdab ngmargiang dudukan puniki,” baos Mahéndra Jaya.
Kadis Pariwisata Provinsi Bali, Tjok Bagus Pemayun nguningang, tata cara dudukan utawi pungutan wisatawan asing pacang kaunggahang ring Peraturan Gubernur (Pergub) Bali. Sadurung punika, kadulurin antuk ngmargiang MoU lan Perjanjian Kerjasama (PKS) Pemerintah Provinsi Bali sareng BPD Bali lan GIPI Bali.
Pj Gubernur Bali, S.M. Mahéndra Jaya nunasang upah dudukan sané picayang ring endpoint luiré akomodasi wisata, déstinasi wisata, travel agent, lan cruise agent sané ngwantu mulpulang Tourism Levy. “Indiké (upah) punika pacang kausulang ring Perda Perubahan. Riantukan nénten ngambil ring bandara, sinalih tunggilnyané ring déstinasi wisata,” baos Mahéndra Jaya.
Mahéndra Jaya negesang mangda nganca nglimbakang pasobiah Tourism Levy puniki mangda kauningin olih para turis dura negara. Yéning sampun kasobiahang tur kauningang olih para turisé, ipun nénten pacang marasa gaen mabayahan. Taler tatujon dudukan puniki kauningin kaanggén nglestariang budaya lan nglola sampah ring Bali.
Mahéndra Jaya maosang, Tourism Levy makanti sareng déstinasi wisata ring Bali micayang voucher potongan harga ring turis sané naur Tourism Levy. Agengnyané mabinaan. Pidabdabké puniki anggén mancingin turisé mabayan sadurung teked ring Bali pacang ngamolihang voucher potongan harga pinih ageng.
Indik aplikasi, Kadis Kominfos Provinsi Bali, Gedé Pramana nguningang aplikasi Love Bali sampun sayaga tur sampun lulus uji Sistem Internal Test (SIT), User Acceptance Test (UAT), Assessment Infrastructure, Information Technology Security Assessment (ITSA), lan Voluntary Vulnerability Identification and Protection Program (VVIP) saking BSSN sané nyamin keamanan data lan informasi sané kasimpen.
Patemuan indik ujicoba pembayaran lan checking dari Tourism Levy malarapan aplikasi Love Bali. Aplikasi Love Bali madaging 5 basa dura negara, tiosan ring Bahasa Indonesia, luiré Bahasa Mandarin, Inggris, Jerman, Koréa, lan Perancis. (Rls/Btnc)
Komentar