Pemerintah Provinsi Bali Nukung Pengembangan Ékosistem Kedirgantaraan di Bali
- 16 Februari 2024
- 23:02 WITA
- News
DNPASAR, Balitopnews.com - Pemerintah Provinsi Bali nyambut becik pikayun Kementerian PPN/Bappenas dan PT. Dirgantara Indonésia jagi ngembangang industri kedirgantaraan nganggén Bandar Udara Létkol Wisnu malarapan kriya kanti Pemerintah Provinsi Bali lan Pemerintah Kabupatén Buléléng. Punika kabaosang olih Penjabat Gubernur Bali, S.M. Mahéndra Jaya ri kala ngrauhin penandatanganan kesepakatan bersama antara Kementerian PPN/Bappenas, Pemerintah Provinsi Bali, Pemerintah Kabupatén Buléléng, lan PT. Dirgantara Indonesia ngenénin indik nglimbakang ékosistem industri kedirgantaraan ring Provinsi Bali anggén nyokong Transformasi Ékonomi Kerthi Bali ring Wiswa Sabha Utama, Kantor Gubernur Bali, Sukra Pon Julungwangi, 16 Fébruari 2024).
Mahéndra Jaya nguningang indik ngembangang ékosistem kedirgantaraan ring Bali pacang micayang sané becik nglimbakang perékonomian Bali ring wewidangan kawasan Bali Utara. “Transformasi puniki pacang mapica lapangan kerja ring industri kedirgantaraan majeng krama Bali tur maguna nglimbakang sumber daya tiosan riantukan pamargi Bandara Letkol Wisnu pacang ngagengang tur akéh merluang tenaga,” baos Mahéndra Jaya.
Nglimbangkang Bandar Udara Létkol Wisnu pinaka First Milestone ngembangang kedirgantaraan ring Provinsi Bali. Tiosang nglimbakang SDM kedirgantaraan pacang ngembangang Maintenance, Repair and Overhaul (MRO) lan nglimbakang wisata bahari tur konektivitas antar pulau.
Sakadi sampun kauningin, sinalih tunggil pikobet pembangunan Bali wantah pemerataan. Kepariwisataan Bali wantah numplek ring Bali Selatan sané ngawinang kesenjangan perékonomian Bali Utara lan Bali Selatan. Pemerintah Provinsi Bali terus mautsaha nincapang wewangunan ring Bali Utara, Bali Timur, lan Bali Barat. Nglimbakang ékosistem kedirgantaraan ring Bandara Létkol Wisnu kaaptiang prasida nincapang pamargin ékonomi lan bisnis ring Bali Utara.
Deputi Bidang Ékonomi Kementerian PPN/Bappenas, Amalia Adininggar Widyasanti maosang, Kementerian PPN/Bappenas sampun ngamedelang master plan pengembangan sistem industri kedirgantaraan Indonésia Warsa 2023-2045, visi nyané membangun industri kedirgantaraan yang tangguh dan berdaya saing menuju Indonésia Emas Tahun 2045. Dané nguningang, nglimbakang kedirgantaraan Indonésia nénten ja ring industri kedirgantaraan kémanten, taler ékosistem industri kedirgantaraan tiosan, luiré pendidikan dan pelatihan, riset, kerekayasaan dan rancang bangun, tata kelola kelembagaan dan regulasi, taler infrastruktur kedirgantaraan. (Rls/Btnc)
Komentar