Kadisnaker Bali Negesang LPG 3 Kg katur majeng RTS lan UKM Penerima Subsidi
- 23 Februari 2024
- 20:02 WITA
- News
DÉNPASAR, Balitopnews.com – Kepala Dinas Ketenagakerjaan lan SDM Provinsi Bali, Ida Bagus Setiawan negesang, liquefied petroleum gas (LPG) 3 Kg wantah barang subsidi katur ring rumah tangga sasaran lan UMK sasaran. Indiké punika kategesang ring rapat koordinasi sareng angga Komisi VII DPR RI I Nyoman Parta lan Ketua DPC VI Hiswana Migas Bali ring kantor Pertamina Patra Niaga Dénpasar, Wrapati Wagé Sungsang (22 Fébruari 2024) semeng.
Ida Bagus Setiawan nguningang, ring warsa 2024 katah kuota LPG bersubsidi sané kasediaang olih Provinsi Bali ngidikang bandingang warsa sadurungnyané. Ngiringang sawatara 0,79%. Sakémaon kramané ngancan ngakéhang nganggén LPG 3 Kg. Punika mawinan pemerintah mapetékan micayang subsidi LPG 3 Kg. Salanturnyané, kramané sané nyaratang LPG 3 Kg pacang kawatesin manut NIK utawi KTPnyané. “Akéh numbas LPG 3K kacutetin manut NIK,” atur Setiawan. Tatujonné mangda subsidi sané kapicayang sumeken ring kramané utawi tepat sasaran inggih punika masyarakat menengah ke bawah, untengné ibu rumah tangga lan UKM kecil.
Utsaha nyandegang nincapnyané nganggén LPG 3 Kg nganjek rerahinan jagat Galungan, Pertamina Patra Niaga sampun nyiagayang 250.000 LPG 3 Kg apang krama ring Provinsi Bali nénten kéweh ngrereh PG 3 Kg.
Kepala Disnaker dan ÉSDM Provinsi Bali negesang ring kramané apang nénten panic buying utawi matumbasan lebih. Kramané katunasin matumbasan nganutin kaperluan. “Matumbasang ring pangkalan resmi pinih tampek, matumbasang nganutin kaperluan,” pinunas Setiawan. Dané taler negesang mangda kramané utawi konsumen, rumasuk rumah tangga sasaran lan UKM sasaran numbas LPG non subsidi. (Rls/Btnc)
Komentar