Nyokong mangda Stunting Ngedikang, Pj. Gubernur Mahéndra Jaya Ngangsokang Nandur Padi Inpari Nutri Zinc
- 15 Maret 2024
- 21:03 WITA
- News
TABANAN, Balitopnews.com - Penjabat (Pj.) Gun ernie Bali S.M. Mahéndra Jaya garjita nyangra manyi kapertama padi varietas Inpari Nutri Zinc sané kaaptiang nincapang karahajengan krama taniné tur sida nambakin stunting ring Provinsi Bali. “Titiang garjita pisan ri galah mangkin riantukan akéh pikolih manyi kapertama padi Inpari Zinc, padiné unggul tur akéh giziné,” baos Pj Gubernur ri kala Gerakan Panén Padi ring Subak Gadon I, Désa Pandak Gedé, Kecamatan Kediri, Tabanan, Sukra Umanis Langkir, 15 Maret 2004.
Pj Gubernur maosang, varietas padi Inpari Zinc mangda sayan kasobiahang ring kramané, utamané petani ring Bali. Sawiréh padiné puniki akéh unggulné bandingang varietas lianan sakadi kaanyi ring yusa ±115 hari, tekstur nasi pulen tur madaging kadar amilosa 16,60%, panarka pikolih manyi 9-10 ton/héktare. “Daging zinc beras Inpari Nutri Zinc kantos 34,5 ppm. Zinc puniki penting pisan ring sistem réproduksi, daya tahan tubuh majeng ibu hamil, lan kesehatan raré mrasidayang nambakin stunting,” baos Mahéndra Jaya. “Mabuat pisan nambakin stunting riantukan painget saking presidén lan dados prioritas pemerintah provinsi lan kabupatén yadiastun kasus stunting di Bali pinih kidik ring nasional,” teges Mahéndra Jaya.
Murdaning jagat Bali sané embas ring Singaraja puniki maosang, umur tetanduran 115 dina lan usak pecah gabah nénten kantos 5 persén. Para petani ngamolihang untung saking tetanduran padi Inpari Nutri Zinc. “Padiné puniki nguntungang petani. Sami sampun ngwikanin, beras mabuat pisan. Yéning krama Bali utawi wargi Indonésia durung ngajeng nasi, durung kabaosang ngiunin,” baos Mahéndra Jaya. “Ka wekas, pemerintah ngaptiang pangargan berasé mudah. Ngaptiang petaniné makenyem tur kramané nyidayang numbas beras,” dané ngwewehin.
Pj. Gubernur nguningang Provinsi Bali ngamolihang predikat terbaik capaian Indeks Ketahanan Pangan (IKP) 2023 sané kalaksanayang olih Badan Pangan Nasional (Bapanas). “Astungkara, IKP iragané tertinggi ring warsa 2023 tur skor nincap saking 85 dados 87,65 persén. Tepuk tangan majeng para petani iragané sané luar biasa, sareng sami nyarengin ngromba,” baos Mahéndra Jaya. “Sampunang ngléwa santukan 4,3 jiwa krama Bali ngiuninin kantos 5-6 saihang krama tamiu lan turis,” baos Mahéndra Jaya.
Pekaseh Subak Gadon 1 Pandak Gedé, Gedé Madé Budi Artawan, maosang bibit Inpari Nutri Zinc saking Dinas Pertanian dan Ketahanan Pangan Provinsi Bali. Bibit puniki katanem ring 77 héktare saking 140 héktare jimbar cariké. Tetanduran puniki karunguang olih 341 petani. “Matur suksma antuk wantuan bibit puniki. Pikolih manyi akéh. Biasané pikolih manyi 8,5 ton per héktare. Mangkin kantos 11,5 ton per héktare,” baos Budi Artawan.
Budi Artawan nguningang pangaptin krama subaké apang setata kaurating olih pemerintah. Kasaratang mecikang irigasi kerana akéh bocor tur dakén. Ring Gerakan Panén Padi Inpari Nutri Zinc, Pj. Gubernur Mahéndra Jaya ngarit padi sareng atiti lianan. Pj. Gubernur taler ngadokang mesin pertanian (Alsintan) combine harvester pinaka piranti manyi, matekap kantos néstés gabah, gencangnyané ngarit 50 persén, irit buruh.
Kala punika, rauh Kepala Perwakilan Bank Indonésia Provinsi Bali Érwin Soeriadimadja, Sekda Provinsi Bali Déwa Madé Indra, Asistén II Bidang Perékonomian dan Pembangunan Pemkab Tabanan A.A. Dalem Trisna Ngurah, Kepala Balai Penerapan Standar Instrumén Pertanian Bali I Madé Rai Yasa. (Rls/Btnc)
Komentar