Cok Ace : Bali Era Anyar, Wisatawan Presida Mekarya Saking Bali
- 23 Juni 2020
- 16:06 WITA
- News
DENPASAR, Balitopnews.com- Wakil Gubernur Bali Tjokorda Oka Artha Ardana Sukawati (Cok Ace) maosan, nyqnggra Bali era anyar, wisatawan pacang kasayagayang mangda presida mekarya saking Bali. Munggwing asapunika pacang kasayagayang tim anggen ngelaksanayang verifikasi indik kasayagayang ngemargiang protokol kesehatan ring suwang-suwang genah wisata.
Cok Ace nyontoang wenten tim sane nureksa hotel, genah wisata, palinggihan wisata, lan tiosan. Tim puniki medue spesifikasi newek anggen nureksa punika.
"Wantah nyantos kabungkah pisarat utamane inggih pubika clean, healthy and safety. Nika pisarat utamane," baos Cok Ace, Anggara 23 Juni 2020.
Nyanggra kawentenan sane setata obah, pungkuran Cok Ace ngemanahin wisatawan sane mekarya saking pakubonne ring panegarane, presida mekarya saking Bali.
"Pungkuran dane presida mekarya saking Bali, santukan Bali genah mautama. Pacang kasadiayang tata titi anyar, wisatawan boya wantah malila cita, sakemaon taler mekarya saking Bali. Benjangan jagi kabligbagin indik visa lan tiosan," Wagub ngawewehin.
Manut Cok Ace, Bali puniki inspiratif pisan anggen mungkah indik sekadi punika. Kramane sampun makudang sasih nganggen media sosial.
"Titiang ngemanah pungkuran dados tren lan Bali presida nyawis. Bali punika mautama utawi strategis. Tiosan wisatawan mancanegara, wisatawan domestik taler pateh," sineb dane. (gix)
Komentar