Sékda Déwa Indra Nyokong Nincapang Ngmargiang Krédit Majeng Séktor Pertanian
- 16 Maret 2024
- 14:03 WITA
- News
DÉNPASAR, Balitopnews.com - Sekretaris Daérah Provinsi Bali Déwa Madé Indra pinaka Koordinator Tim Percepatan Aksés Keuangan Daerah (TPAKD) nyokong nincapang pikolih krédit majeng pertanian. Manut dané, krédit mabuat pisan riantukan widang pertanian pinaka olih-olihan pinih ageng produk domestik regional bruto (PDRB) perékonomian Bali. Indiké punika kauningang ring Rapat Koordinasi Penyaluran Krédit Usaha Rakyat (KUR) BPD Bali di Ballroom Prama Sanur Beach, Saniscara Paing Langkir, (16 Maret 2024).
Déwa Indra maosang, pemerintah malarapan lembaga perbankan sampun ngembasang makudang-kudang platform krédit majeng UMKM, rumasuk ring petani. “Program nasional puniki sampun lami wénten KUR, iraga patut manggayang santukan BPD Bali dados terbaik kedua ring penyaluran kredit puniki,” baos Déwa Indra. Lianan punika, wénten taler krédit usaha tani sané kaembasang BPD Bali inggih punika Krédit/Pembiayaan Séktor Prioritas Pertanian (KPSP). Pinih anyar, BPD Bali taler nyokong program Kementerian Pertanian RI antuk nwedarang krédit usaha alat mesin pertanian (alsintan).
Déwa Indra ngaturang parama suksma majeng Bank Indonésia, Otoritas Jasa Keuangan, lan BPD Bali, sampun akéh ngamdelang modal majeng UMKM lan petani. Dané precaya yadiastun katah krédité kamargiang, sakémaon durung akéh petaniné ngawigunayang. Sapatutnyané, katah aksés perbankan, krama taniné élah ngrereh modal anggén nyokong utsaha ipuné.
Dané ngwewehin, kidik krédit kawigunayang olih petaniné ri antukan kirang weruh indik program KUR puniki. Déwa Indra ngajakin pemerintah kabupatén/kota malarapan OPD nincapang kaweruhan krama taniné. “Petaniné kirang weruh ring program punuki, wantah swadarmaning iragané nulungin krama taniné apang ngwigunayang aksés keuangan saking lembaga keuangan,” baos dané. Déwa Indra nunasang OPD sané ngamong pertanian lan koperasi mangda masyobah ring krama taniné. “Yening ten wenten mapica kaweruham, krama taniné nénren uning program krédit sakadi alsintan,” baos Sékda Indra.
Pangedé saking Singaraja puniki taler negesang samayan pemerintahé nincapang uratian majeng pertanian. “Pemerintah patut maruang sareng pertanian santukan 14 persen PDRB Bali saking pertanian,” baos dané. Gatra saking Dirut BPD Bali negesang, kéedit sané kamargiang ka séktor pertanian wawu 10 persen. Manut Déwa Indra, kantun akéh petani durung molihang aksés permodalan saking akéhnyané program kredit sané kamargiang untuk lembaga perbankan. “Minab wénten krama taniné kari migunayang réntenir ngrereh permodalan. Indiké puniki patut dados uratian iraga sareng sami. Napimalih makasan kepala daerah nadosang pertanian pinaka séktor prioritas ring daging visi misi. Titiang ngaptiang visa misi punika boya rétorika,” baos Déwa Indra.
Direktur Utama BPD Bali I Nyoman Sudharma negesang samaya nyokong séktor UMKM lan pertanian. Samaya puniki kabuktiang antuk ngmargiang KUR. Kantos Fébruari 2024, BPD Bali sampun ngmargiang menyalurkan 49 persén KUR majeng UMKM. “Sampun ngliwatin targét 30 persén. Nika mawinan BPD Bali ngamolihang inséntif GWM saking BI (Bank Indonésia),” baos Sudharma. Insentif GWM (Giro Wajib Minimum) kapicayang majeng bank sané ngmargiang krédit ka makudang-kudang utsaha sané kantun sakit, KUR lan krédit hijau.
Direktur Pengawasan Lembaga Jasa Keuangan (OJK) Regional 8 Bali Nusra Ananda R Mooy taler nyumbungang samaya BPD Bali antuk ngmargiang KUR lan krédit majeng UMKM. OJK nyatet sané mangkun industri jasa keuangan Daérah Bali stabil lan solid. “Gegambaran puniki pacang nincapang rasa precaya kramané ring ékonomi daérah Bali,” baos Ananda.
Parikrama rakor puniki taler kadagingin ngembasang program krédit Alsintan lan micayang matéri olih narasumber. Rakor antuk téma "Optimalisasi Penyaluran KUR Melalui Sinergi dan Kolaborasi Satu Hati, Satu Kata dan Satu Tindakan" puniki kasarengin olih Sékda kabupatén/kota sajebag Bali lan OPD sané ngamongin pertanian. (Rls/Btnc)
Komentar